近日電視天天播《拳王》，黃德彬拳拳到肉很有型，可是現實版的拳王卻沒那麼幸運。唐壹孚（虎sir）自小讀書「唔叻」，初中日日打交，自中三開始學 拳後修心養性，由倉務員變港隊成員，一出戰已贏得國際賽季軍，卻在人生高峰受傷，永久不能再打拳。消沉一年後，的起心肝轉執教鞭，在元朗大馬路開設「搏藝 中心」，二十八歲仔已桃李滿門，四個月前更獲學生Daniel注資開分館，上月盈利八萬。因傷告別擂台，仍找到自己的舞台。
上
週三，個子不高的虎sir帶學生到佐敦一間拳館參加練習賽，其中三十出頭、全身「graffiti」的饅頭正預備出賽，他乖乖聽虎sir話做熱身，中途沒
說過一句髒話。當虎sir說到下年特訓班只收七至八人時，更大叫：「我一定會入到特訓班！雖然我資質唔好，但我會努力搭夠！」狀甚熱血。饅頭比賽時面對
「黑黑實實」的對手毫不畏懼，「手高（舉高手護面）！還（還手）！」平常語氣溫柔的虎sir，則在場邊大喊，作出指示。
形象差 難發圍
虎
sir主要教泰拳和西洋拳，「簡單啲講，就係泰拳可以用腳，西洋拳只用上半身，但步法同策略都好唔同。」搏藝中心於○八年在大馬路的樓上鋪開業，「以前有
一位師傅俾咗間館我打理，不過個地方好『吊腳』，而且間館得四百呎，好難收得多學生，於是我打算開一間，方便唔同人嚟玩！」舊館位處安寧路，在大馬路和朗
屏站中間，又兩邊都不近，最多學生的時候也只有八十人。於是他看了四、五十個鋪位，最後以每月八千元在元朗大馬路，租下一個約九百呎的唐三樓樓上鋪。
有選址，下一步便要想辦法收生。虎sir深明拳館予人形象大多品流複雜，嚇退不少人，「其實一開始的確係咁，上親嚟嘅人都紋晒身，講晒粗口。」為改善拳館
形象，他訂立第一條規矩就是「不准講粗口」，「哈哈，嗰陣啲學生仲夠膽叫我不如開個粗口班，等佢哋唔使忍得咁辛苦，但依家習慣咗，個個上到嚟都唔再講粗
口！」虎sir笑說，為增強專業形象，他更特意到香港拳擊總會讀了兩年教練課程，「真係細個讀書都無咁勤力！」並將所學加上自己經驗寫成教程給教練讀，
「我想做得科學化啲，俾多啲信心客人！」
除此以外，中五畢業的虎sir還自己寫了一份計劃書，主動聯絡屯門、元朗和天水圍的學校和社區中心，希望進入學校教班，讓學校知道拳擊並不是「打爛仔
交」，「不過打咗幾百個電話，得信義會理我。」他亦在社區辦表演活動，並為有心在拳擊發展的學生組成約二十人的特訓班，每星期兩晚在球場跑步、跳繩，鍛鍊
學員之餘，也藉此增加拳擊在區內的知名度，之外又隨信義會到不同學校教宣傳班。只有十一歲的學生安齊一，媽媽是明愛元朗陳震夏中學的教師，在虎sir往該
校教班後，安太發現原來拳擊都很健康，才帶兒子和九歲的女兒來上課，「打拳好好玩！」安齊一笑說，他已上了十堂，踢起腳來非常有力。其實在元朗和屯門連他
們在內共有六家拳館，但要不規模小，要不形象差，其中一名女客人表示：「開心廣場後面都有一間拳館，不過嗰邊好似雜啲，所以我就過嚟呢邊學。」
學員注資 「發大嚟做」
跟
虎sir私人教授兩年多的Daniel，三代經營製衣生意，由於製衣愈來愈難做，打算開拓新財路，「我以前喺市區學拳，但公司喺元朗，又住喺元朗，覺得好
唔方便，行過見到有拳館就去學，諗諗下其實元朗咁多人，啲人又唔係無錢，做得過喎！」於是在去年中與虎sir商討合作事宜。「我哋上堂嗰陣佢成日會教我點
做生意，我覺得佢喺意見上同資金上都幫到我，咁咪一拍即合！」虎sir說，並於去年十一月在朗屏西鐵站附近的工廠大廈找了一個二千多呎的單位，「呢度二千
幾呎，租金先係二萬幾蚊，其實唔貴。」年輕時曾在工廠區工作的虎sir笑說：「起碼有一萬人喺度返工，不愁客路。」現Daniel和虎sir各佔公司一半
股份，開設新館和翻新舊館共花了近七十萬。
不過Daniel加入後，把自己辦公室的制度帶入拳館，並不是每個員工都能習慣，「之前規矩好鬆，啲教練成日遲到早退，但我哋依家想做個專業形象就唔可以
咁鬆懈！」Daniel說。於是他要求教練打卡，亦要教練每月上他辦公室開會，商討發展大計。「啲教練開頭梗係唔慣，佢哋打得拳都坐唔定啦，開會時不時會
『釣魚』，本來以為分紅吸引到教練，點知佢哋都係咁，但大家都為拳館好，慢慢習慣坐喺度傾。」Daniel說。
宣傳乜都試
朗
屏館開在工業區，不能靠街客路過，因此宣傳變得非常重要，「我哋幾乎咩宣傳都試過！」他們笑說，客人上來填表格時，他們會統計每項宣傳的成效：巴士車身廣
告最貴，八條巴士線登廣告十星期，索價九萬元，但成效最好，近四成新客都由這途徑得悉拳班；他們又花三萬五千元經郵政派傳單到十個屋苑，招來約一成新客；
最差是定位短訊，花共二萬五千元，效果卻很有限。
他們又設計瘦身主題課程吸引女學員，並找來Daniel相熟的內地公司製作橫額，每張成本約十元，並親自「周街掛」，「我咁大個人都未試過做嘢咁鬼祟，竟
然要『夜麻麻』出去掛，淨係元朗都掛咗差不多成千張！仲有一次見到警察，我哋嚇到匿埋，之後諗番，都唔係啲咩事啫。」Daniel憶述，大部分橫額幾天內
已被拆除，「得番朗屏仲有十幾張，哈哈！依家仲有啲喺公司，一得閒就再出去掛。」他們笑說。
事實上，自新館開業後，女性學員大大增加，元朗館只有三成是女學員，朗屏館卻逾一半是女學員，「有啲係想上嚟識男仔嘅，專登問我邊班多男仔，我都無答
佢。」虎sir認真道，現在拳館約有學生四百人。其中一名女將、十六歲的孔皇娟在搏藝剛學滿一年，「我以前有喺其他拳館學過拳，比較之下呢度warm好
多，唔似其他拳館又煙又酒，依家我仲說服埋阿媽一齊上嚟學拳！」她自稱是千里馬，虎sir就是她的伯樂，以前學鋼琴的她，特意賣掉鋼琴，專心一意學拳，體
能和技術都有改進，她現在是香港四十六公斤級青少年女子拳手第一位。
比賽碎骨 告別擂台
初中年代的虎sir最愛打
架，十四歲學拳找到自己的專長，○六年、二十二歲的他第一次往泰國比賽，已贏得一項國際賽季軍，並由倉務員轉做全職拳手，幫師傅打理拳館。拳賽生涯如日方
中之際，○七年卻在比賽時「跣腳」，剛巧對手撲上來，整個人壓在他身上，右腳肘骹位盡碎，「○七年我一場比賽都未輸過，嗰次五個裁判都判我贏，但係拳證因
為我受傷，早咗兩秒結束比賽，就取消我資格，真係好唔甘心！」這次受傷，虎sir坐了一年輪椅，「嗰陣我喺度諗，係咪又要做番倉務？係咪咁放棄打拳？」後
來他用這段時間修讀毅進課程，讀營養及人際溝通等課程，為開拳館鋪路。
現在他以教練身份在拳擊界打響名堂，並連續三年獲得香港拳擊總會頒發最佳教練獎。採訪當日，更有屯門的社區中心上門找他到中心教拳，「依家最開心係終於可
以喺band 1學校教拳，證明大家終於明白到其實打拳都唔一定係衰仔！」虎sir笑說。
開業資料
（01/08，元朗館）
租金 $32,000*
裝修 $100,000
裝備 $65,000
雜費 $20,000
總投資 $217,000
*三個月按金，一個月上期
營業資料
（03/12，元朗館及朗屏館）
營業額 $220,000
租金 $35,500
人工 $60,000#
宣傳 $4,000
雜費 $40,000
盈利 $80,500
#不包括兩名老闆， 共五名全職員工 ####