婚外情無法避免何琍琍：男人都是Sex-driven
1 :
GS(14)@2017-02-18 00:51:22何琍琍與已故華光航業集團董事長趙世光愈40年嘅婚姻當中，的確經歷過不同風波，喺94年一個訪問入面，何琍琍更分享自己對感情事嘅睇法，佢認為「男人基本上是Sex-driven的。」何琍琍認為男女感情煩惱都係千篇一律，就係「女人埋怨男人變咗心」。講到婚姻，佢認為男人結婚後唔會培養同妻子嘅感情，一旦對妻子嘅肉體失去感覺時，就會發生婚外情。看透男女關係嘅何琍琍，大膽地指出：「男人和你進入教堂時，在那個moment他是百分百忠心，但後來隨着生理上的變化，他對你失去肉體上那種感覺時，親密關係就會降低了。」佢又話男人就算知道出軌係唔啱，但係都控制唔到婚外情嘅發生。所以結論係：「男人基本上是Sex-driven的。」既然講到無可避免，咁仲有咩可以做？何琍琍話：「當你把一切當成自然會發生的，看淡些，那便可以了。」
來源:
http://hk.apple.nextmedia.com/entertainment/art/20170217/19931144