趙薇腹背受敵 新華社狠批萬家
1 :
GS(14)@2017-02-18 00:47:36【明報專訊】「環珠格格」趙薇呢排真係一身蟻，原本諗住問銀行借錢買間A股殼公司萬家文化，等自己可以一嘗做上市公司大股東嘅滋味，點知被媒體質疑佢背後有內地居港商人肖建華撐腰，結果銀行拒絕借錢，搞到佢收購規模要大縮水之餘，成單交易仲惹來上交所關注，就連官媒都加入砲轟。
新華社噚日就發表評論文章批評，趙薇要收購嗰間萬家文化「談不上是一個正常企業」，因為過去幾年間公司經常主業轉型，潮流興邊樣就轉去做邊樣，但做親都蝕錢。文章仲列出，呢間萬家文化早期搞過地產同酒店，搞唔掂就走去做礦業，之後又話搞有色金屬；到早兩年內地流行動漫遊戲，又賣走蝕緊錢嘅礦業同地產業，走去搞動漫。
斥不斷轉主業 非正常企業
大家睇完覺唔覺呢間公司做生意真係「3分鐘熱度」？呢次賣殼不成仲要俾官方咁樣狂插，睇怕要翻身都有排。
[小琴密語]
來源:
http://www.mpfinance.com/fin/dai ... 7814&issue=20170217