陳果講偷拍：係天生嘉穎警局開床瞓覺
1 :
GS(14)@2017-01-17 01:55:23■鄭嘉穎昨透露日前他被帶返澳門警局調查時，一點也不擔心。
鄭嘉穎上周四到澳門拍攝陳果執導的電影《九龍不敗》，豈料劇組在未有申請下，於澳門保安部隊事務局大樓取景，導致連嘉穎及陳果等劇組十多人被帶返警局調查，扣查8小時後始獲釋離開。昨日嘉穎於何文田天光道拍攝《九龍不敗》外景，除陳果外還有監製錢小蕙、莊澄及電影公司老闆黃百鳴等。嘉穎表示當日被帶警局時一點也不擔心，原來他在警局獲得特別優待，不但免搜身、免沒收手機及有咖喱雞吃，而且更有床睡覺，陳果笑說：「佢好似喺canteen咁休息。」嘉穎則謂：「我仲喺入面瞓咗個覺，因為之前拍咗場通宵戲，佢哋仲開咗張梳化床畀我瞓咗個回魂覺。最初佢哋係搵導演嘅，後嚟話一定要我，咁我咪去助查囉，冇愕然呀。我都好多謝導演畀呢個機會我。」問到女友陳凱琳有否擔心時，他說：「冇，都通知咗佢，話畀佢知乜嘢事。」
■鄭嘉穎昨講述被扣查一事，監製錢小蕙及莊澄都有到場。
■陳果被問下次會否小心點時，笑言：「好難保證。」
「偶爾踩過界」
陳果承認當日在澳門偷拍的一個「踩界鏡頭」需要刪除，目前澳門尚有一日外景和一日室內景要拍攝。陳果說：「批文會再申請，賭場就需要另一個批文，都會逐一申請。」他又表示已收到警方通知指事件已圓滿結束。問下次會否小心處理時，他說：「其實通常都會，但作為導演，好難講。喺香港拍都係咁啦！作為導演，呢個係天生嘅取向。總之盡量按本子辦事，但偶爾都會踩過界嘅。睇見靚嘅嘢，好難唔拍囉，所以我都好難保證（不再犯）。全世界嘅導演都有咁嘅情況，但係會申請囉。」採訪：卓寶花攝影：陳順禎
來源:
http://hk.apple.nextmedia.com/entertainment/art/20170116/19898055