王君馨入紙「退黨」處女黨嫁剩香香苟姑娘
1 :
GS(14)@2016-11-23 07:53:20因為王君馨(Grace)喺一次訪問,自爆仲係處女,令佢一夜成名,冇耐呢個處女宣言一出,其他圈中教友包括鍾嘉欣、李亞男、苟芸慧同岑麗香,亦相繼宣示處子身,於是有「處女黨」稱號。不過隨住李亞男、鍾嘉欣先後結婚,岑麗香同Grace拍拖,所以「處女黨」已經幾近名存實亡,0依家得苟芸慧嘅感情未有著落!王君馨(Grace)
Grace係最早出現嘅處女黨成員,雖然Daniel係佢初戀男友,兼且喺又試過俾人影到佢哋去台灣旅行,暗示佢哋已預支蜜月,但當時Grace堅稱大家係分房瞓未破戒,就算分隔兩地,不過Daniel經常來港陪女友,除咗等女友收工食宵夜,仲會去女友屋企洗碗執屋。鍾嘉欣(Linda)同伍允龍拍拖多年嘅嘉欣BB,分手冇耐,舊年年底秘嫁加拿大脊醫Jeremy,今年8月生咗B女Kelly,係「處女黨」最快做咗人媽咪嘅黨員。李亞男(Leanne)同王祖藍喺舊年2月結婚,正式成為祖藍嫂,係最快嫁得出嘅「處女黨」黨員。李亞男嫁雞隨雞長期陪老公北上,拓展大西北事業。舊年祖藍豪擲1.1億購入大埔逸瓏灣特色戶,作為新婚愛巢,李亞男亦正式加入億萬濶太行列。岑麗香(Eliza)性格鬼妹仔嘅香香,舊年10月俾《蘋果》踢爆同圈外男友Joshua拍拖。事後香香大方承認對方係男友,仲話男友有共同信仰,會守教規。苟芸慧(Christine)曾為「宅男女神」嘅苟芸慧,佢係處女黨唯一一個喺感情上冇著落嘅人,近排傳佢撻着好友朱璇男友湯珈鋮,又秘交經濟發展及勞工局前局長葉澍堃細仔葉瀚華、啱啱又同富三代陸漢洋傳緋聞,但苟姑娘通通否認,似乎真命天子仍未出現。
來源:
http://hk.apple.nextmedia.com/entertainment/art/20161123/19842537
【眼光獨到】處女黨嫁得好
1 :
GS(14)@2017-02-05 10:48:26■(左起)李亞男、岑麗香、鍾嘉欣及王君馨先後出嫁及訂婚。資料圖片
隨住最後一位黨員苟芸慧亦有着落,令處女黨面臨解散。不過,事實上處女黨的另一半全都是成功人士,可見處女黨確有眼光。
香香嫁才俊
岑麗香的老公強強是加拿大一間證券公司合夥人,兩人去年12月於溫哥華一間貌似古堡的酒店舉行浪漫婚禮。
君馨嫁銀行家
未婚夫Daniel是初戀情人,於美國任職銀行家。去年11月本報發現她與男友在港入紙排期註冊結婚,之後王君馨於社交網宣佈已經訂婚。
嘉欣嫁脊醫
鍾嘉欣前年年底與無綫前行政主席梁乃鵬的脊骨醫生姪仔Jeremy秘密註冊結婚,至去年2月二人在溫哥華補擺喜酒,並於同年8月誕下囡囡Kelly。
亞男嫁祖藍
李亞男前年跟王祖藍結婚,雖然祖藍矮老婆一截,但近年在內地狂賺人仔,加上又有邵氏打本給祖藍開工作室,難怪令亞男被指旺夫。
來源:
http://hk.apple.nextmedia.com/entertainment/art/20170204/19917161