中環在線：畢加索名畫證券化？
1 :
GS(14)@2016-12-30 02:05:00近年拍賣市場旺，周不時聽到有名畫以十億八億元成交，我等平民當然只有睇新聞的份兒，估唔到內地前首富、盛大網絡老闆陳天橋因此諗出一個idea，建議可以將名畫證券化，即係話一幅畢加索名畫分開好多股權，普通人都可以買番幾股。陳天橋接受《金融時報》訪問時指，一幅畢加索名畫要1億美金，除咗富豪，冇人可以買到，咁不如將幅畫證券化，分為1億股，每股1美金，如果每幅畢加索都買100股，咁閣下就有一個畢加索嘅投資組合嘞。果然有創意！不過佢冇講埋，名畫如何收藏，交由邊個管理，幾時決定賣，唔賣賺唔到錢㗎喎。此外，如果有股東得閒想睇下幅畫又點呢？
來源:
http://hk.apple.nextmedia.com/financeestate/art/20161229/19880171