無在前線反釋法梁天琦認懦弱
1 :
GS(14)@2016-12-04 17:18:49■梁天琦稱有官司在身，自責未能公開抗釋法。
nowTV畫面
【本報訊】本土民主前線發言人梁天琦昨接受now新聞台訪問時表明，無計劃參與未來立法會補選，亦不會為任何人站台，承認辜負很多選民期望。對於有人指他未有在反人大釋法站在前線，他坦言自己懦弱，因為他有官司在身，不想被即時還柙。
不補選不站台
梁天琦在訪問中指出，決定不參加青政梁頌恆、游蕙禎在剝奪議席後出現的補選，因為自覺已辜負很多選民期望，「我覺得係反省嘅時候，而唔係死纏爛打」。梁又指選舉後曾以顧問角色協助青政，但由於後來已離港準備升學，故對梁、游用甚麼方式宣誓並不知情，「呢一個係我要付出嘅代價，我冇留喺立法會同佢哋（梁、游）共事，畀咗立法會自主權佢哋，最後得出呢個結果，係大家共同承擔」。梁天琦又稱，一直未有公開回應人大釋法事件，因為要反抗釋法，就要鼓動更多人走出來反抗，「但我鼓吹佢哋嘅時候，我無法走得最前，咁同我以前做嘢唔同，咁咪叫人去做，自己唔做，我唔想咁樣，我選擇咗一句說話都冇講」。梁天琦坦言：「要畀答案的話，就係我懦弱囉，我唔想而家就要即時還柙。好對唔住，我做唔到大家期望我能夠做到嘅事，我冇負到呢個責任，企喺最前線去對抗呢次釋法，我今次選擇咗自己」。梁天琦在年初一旺角騷亂中，被控兩項參與暴動罪及一項煽動暴動罪，現正保釋階段，案件將於2018年1月在高院審理。■記者林俊謙
來源:
http://hk.apple.nextmedia.com/news/art/20161204/19854619