疑介入劉愷威婚姻被揭已婚王鷗現身回應感情狀況
1 :
GS(14)@2016-11-13 11:32:36劉愷威日前被爆背妻楊冪，喺新疆拍戲時，曾摸黑入大陸女演員王鷗嘅房間，而愷威一度發出聲明，指入王鷗房間只是對劇本，並冇曖昧之情，之後有網民就話王鷗曾經同男演員張戈結過婚，而張戈被傳媒問時，只話唔方便回答，直至噚晚，網民又發現新證據，就係王鷗同張戈當年嘅求婚相。有網民翻王鷗嘅舊賬，話佢曾經同大陸演員張戈結過婚，咁張戈就喺微博發文留言：「多少愛恨情仇，都是修為不夠。」有大陸傳媒就此似是而非嘅留言聯絡過張戈，張戈就只話認識王鷗，咁問佢係咪同王鷗結過婚時，張戈就話不便回答，然後就匆匆掛線。前晚又有網民就搵到2013年9月，王鷗同張戈喺英國出席朋友婚禮時，突然攞出戒指，向王鷗求婚；兩個月後，佢哋仲領證結婚。而翻查王鷗同張戈嘅微博，2013年9月佢哋真係都上載過去英國嘅相，但就冇二人嘅合照，關係撲朔迷離。昨日王鷗現身南京參加活動，回應近日傳聞稱；「謝謝大家的關心，我沒有介入過任何人的婚姻，與劉愷威只是同事合作關係……與張戈先生確實交往過，求婚照片發生在其他人的婚禮上，但(我們)之後沒有走到一起，更沒有結婚生子，網上的婚紗照片只是一起拍廣告。我們早已分手，希望大家也不要再打擾他。」
來源:
http://hk.apple.nextmedia.com/entertainment/art/20161113/19832251