魚樂無窮：畫龍點睛的藝術
1 :
GS(14)@2016-10-13 08:07:22成語畫龍點睛，意指在關鍵位置補上一筆，整件事情即可更傳神。同樣情況可套用在股票市場，先在資本市場操作，再於消息層面上落功夫，多管齊下，炒上動力更有層次，今日推介錦興集團（275），正積極示範呢個玩法。錦興年初時宣佈十合一再一供八，每股作價0.25元，最後僅約一半股權接納，大股東葉家海持股剛好增至29.9%，剛好不須提全購，貨乾程度可想而知。同一時間，好消息亦開始接連出現︰公司7月宣佈，將易名為凱華集團，股東會亦已開綠燈，只待手續完成，沿用多年的名稱也放棄，革新決心不用懷疑。上月中戲肉來了，公司委任華訊方舟副董事長及總經理吳光勝出任執董，呢間喺深圳上市嘅科技股，乃專注高速移動下寬帶通信技術研發及應用嘅國家級高新技術企業，當中包括衞星WiFi技術，重中之重係，華訊方舟董事長呂向陽，乃比亞迪（1211）主席王傳福表哥，亦為比亞迪創始人，聽到呢度，你應該要抹一抹流緊嘅口水。噚日一棍突破0.5元阻力，如果補回0.6元嘅下跌裂口，潛在升幅難以估計，趁低吸納勝算高。唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20161013/19798944