📖 ZKIZ Archives

唐英年勾結外國 左丁山

http://hk.apple.nextmedia.com/template/apple_sub/art_main.php?&iss_id=20120127&sec_id=12187389&art_id=16017840&cat_id=255&coln_id=22

新年無甚社交活動，記者 G電郵傳來一篇所謂網上瘋傳嘅奇文，叫左丁山睇吓。呢類文字，係正論吖，還是怪論，任你點睇。正如昨日本欄講「列瑪麗為古蹟」，是真是假只係得啖笑，今時 今日，好多所謂學者講嘅道理，可以調轉嚟講嘅啫，不少高官議員之言論，其嚴肅性唔會比昨日本欄高好多！讀經濟學概論有個好處，就係比較「市儈」，下下講錢 講成本講回報，唔講錢就好容易流於空論，乜都話得。譬如話，收回何東花園，不准重建，列為歷史古蹟好唔好？可能好多人話好。再問，要賠償私有產權，不能強 搶民產，尊重香港法治精神，好唔好？個個都會話好。第三問：賠幾十億元俾何東花園業主好唔好？可能有好多人為之默然。第四問：重建瑪麗醫院重要吖，有益更 多市民吖，還是列何東花園為古蹟，賠幾十億重要？唏，答案幾易揀，相信大多數人會揀重建瑪麗醫院，即使重建瑪麗醫院與二三十個其他項目一齊競爭政府公共開 支，相信重建瑪麗嘅優先排列仍會在以公帑保育何東花園之前。
嗱，講吓錢，係唔係逼大家諗多啲社會資源分配（ resource allocation）呢？會令負責決策嘅特首頭腦清醒啲㗎。
上 述這篇奇文，內容得啖笑，幾似怪論，不可嚴肅對待之，篇文作者是誰，無人承認。記者 G話：「好多人話係劉迺強寫嘅，但佢唔承認。」唔！劉迺強好多年前講過，不要質疑他人的動機，只要質疑他的論述有無邏輯道理，佢係啱嘅。呢篇奇文作者係邊 個，無關宏旨，動機亦無謂問，最重要嘅一點，此文指稱唐英年勾結外國勢力，靠「財外聯盟」支持，是否有邏輯，今年特首選舉與立法會選舉是否中美鬥爭的延 續？作者有甚麼證據？唔係講吓幾個名就當係證據呀？左丁山看畢全文，認為作者立論粗疏，全憑主觀意見去討論，不足重視。想問一句，為甚麼他看到的，北京近 二十年來完全看不到？難道江李、江朱、胡溫，以至中共十八大後的習李都是省油的燈？要待這位作者提醒先至不會如入夢中？
有特首競選，梗會多爭論，但講到唐英年勾結境外勢力，未免太過得人驚！

PermaLink: https://articles.zkiz.com/?id=30931
Next Page
ZKIZ Archives @ 2019