亮說亮話：幸好房屋供應充足
1 :
GS(14)@2016-09-06 22:45:12近兩日，大多數專欄作家都講選舉。我唔講，因為我預測立法會選舉投票人數，錯到離晒譜，不如講番樓市。現在就算講樓市都唔容易，我相信就算有人預測到樓市在下半年翻身，但點都預測唔到連成交量也急速上升。在立法會選舉的星期日，不少人在投票完畢之後走去買樓，周末新樓盤的成交量有1,100宗，這現象已有超過三年沒有發生過。各地產商各自盤算，加價的加價、去貨尾的去貨尾，今次我亦要自認失威，在政府沒有撤招及放寬按揭之下，購買力究竟在哪裏走出來，或者是已經積聚已久，趁一個機會爆發，我們沒有察覺而已。雖然我在去年非常大膽叫人暫時唔好買樓，但今年初我已有感覺樓市不會大跌，任何人問我是否可以買樓，我的答案都是若能力許可的話，啱價就可以買樓，尤其自住。據我所知，有不少年輕人都在那段時候買樓，但整體成交量依然慘淡，當時業界有人要求政府降低供應量；但我認為萬萬不可，因為提供足夠供應量是政府責任，如果成交量不足，最好就學國內的去庫存計劃，放寬按揭就可以達到目的。如果政府真的表示收緊供應量，地產商知道政府心意，開售新樓盤時就不會如此手鬆，一定會善價而沽，樓價必定會急速上升。現在當然唔怕，地產商是會因應時勢去貨，絕對不會有糊唔食。湯文亮
mailto:
[email protected]本欄逢周二刊出
來源:
http://hk.apple.nextmedia.com/financeestate/art/20160906/19761237