老樓周記：裁員恐怖過息魔
1 :
GS(14)@2016-06-06 02:53:00過埋呢個月2016年就過咗一半，樓市暫時喘息，為了迎接即將來臨的美國近年第二次加息，發展商已急不及待推高按揭和息口優惠，明眼人都知為了抵抗息魔來臨，但息魔威力不及減薪潮的影響力，若果裁員潮及後再殺到，唔使加息樓價仲會碌得更快。香港人講現實、搵快錢，讀書時老師有句說話老樓到而家仲記得。「不要被情緒影響，要客觀分析」，因此有時會受到氣氛影響判斷，但執筆時外圍講到加息周期開始，講到走資潮死人冧樓似的，呢啲咪情緒主導囉。諗清楚啲，大家好易理解，自2008年金融海嘯後，美國維持低息狀態近8年，加上內地經濟下行已成定局，加息勢將重臨，之不過美國佬失業率維持低企，資金走回國內，有內需支持。正當香港同時受到美國和內地兩大經濟體系所衝擊，很難獨善其身，還好金管局實施多年的管理需求措施，趕走炒家離開市場，銀行體系健全，資金仍未有大幅流走的現象，即使美國加息香港亦毋須那麼驚慌。反而過去十多年太過倚賴內地救濟，變成伸手派，過多銷售行業過份以大陸水為主，故此一收縮便影響了盈利，盈利一跌便向員工埋手，裁員減薪潮持續湧至，雖然冇咁快會到2003年沙士期近8%失業率，但這股巨浪已到來，一旦失業人數上升將影響購買力，縱使政府再難搵地，樓價亦無得再升，至於會否引爆新跌浪，那麼便要看發展商的定價策略了。劉兆昌資深地產傳媒人
http://HKLau.com本欄逢周五刊出
來源:
http://hk.apple.nextmedia.com/financeestate/art/20160603/19638587