📖 ZKIZ Archives

鄧白氏Bob Carrigan：大數據為企業“畫像”

7月中的北京，夾雜著酷暑和雨水，擋不住的是FINTECH的熱潮。應邀來參加第一屆中國金融科技大會的鄧白氏(Dun & Bradstreet)CEO Bob Carrigan如期而至。東三環一棟寫字樓，他一坐下就迫不及待的和《第一財經日報》記者分享了參加會議的感受，“金融科技非常令人興奮，在這個論壇上，我體會到中國有很多的創新，而且規模非常巨大。”

作為老牌征信機構的代表，鄧白氏這些年在中國並不高調。隨著征信的熱潮崛起，包括FICO、益博睿等征信公司紛紛高調進入，意圖在FINTECH的熱潮中分得一杯羹。

不過，和FICO、益博睿等機構不同，鄧白氏將目標鎖定在企業征信，Bob Carrigan 稱：“我們不涉及個人征信相關的業務，未來也不會涉及”。事實上，除了個人征信備受關註外，企業征信如何借大數據的翅膀飛得更高亦成為焦點。

目前在國內從事企業征信業務的機構眾多，但並未出現“一家獨大”的局面，這輪征信熱潮中，各家機構均在尋找發展機會，搶占先機。據記者了解，國內的部分企業征信公司都在研發關於大數據類的產品，以豐富產品線。

鄧白氏從二十年前開始進入中國，在全球有175年做征信的歷史。對於未來征信行業的發展趨勢，Bob Carrigan告訴第一財經記者：“大數據毫無疑問是未來征信業發展的趨勢之一，在征信史上大數據給我們帶來非常大的影響，因為它不僅帶來了巨大的數據量，也帶來了多維度的數據，據我們觀察，由於企業信息的不斷數字化，商業數據的數量和種類每一年都會翻番。未來征信機構的核心競爭力在於數據處理能力，即如何在大量的數據中及時準確的按照客戶想要的方式來提供信息。”

目前，個人征信的數據正變得更為多元和豐富，比如有電商交易的數據、社交類的數據、網絡行為的數據等，以此來對一個人進行“畫像”，目標是更為精準。企業“畫像”亦有類似之處。

據Bob Carrigan分析：“企業亦有自己的社會身份，我們行業會獲得企業豐富的“大數據”。我們有傳統的關於財務信息的來源、也會從社交媒體上獲得企業的信息，采購的信息、公用事業的信息、物流信息和供應鏈方面的信息等等，我們也會利用這方面的信息對企業進行畫像。另外，我們有綜合各個數據源的能力和跨語言處理信息的能力，比如我們會利用鄧氏編碼對企業的行為進行分析，對企業的身份進行識別。”

PermaLink: https://articles.zkiz.com/?id=205638

Bob爆粗鬧《玩嘢王》

1 : GS(14)@2013-04-22 22:57:13

http://www.sharpdaily.hk/article ... 9%E5%98%A2%E7%8E%8B
李思捷主持無線整蠱節目《玩嘢王》前晚首播，林欣彤、林盛斌（Bob）及許廷鏗均被整，笑料百出。其中思捷擺下十幾圍酒席，動員半百人喪玩婚禮司儀Bob，迴響最大。網友大讚Bob面對結婚蛋糕跌落地、思捷醉酒鬧事、舊愛搶新娘及契爺暈低等突發事，執生功力一流，被封執生王！
不過亦有人質疑造假，Bob昨於電話中說︰「唔會造假。朋友間幫上幫接job，去到婚宴見到導演、攝影師係自己人唔出奇，今次佢哋製作認真，現場衣香鬢影，新人又錫曬。」提到他面對騎呢場面時O嘴表情一絕，Bob自爆當時接連爆粗：「返房我用好多助語詞鬧人，成晚嘅助語詞可以拍幾部《低俗喜劇》，惟有成段刪。」他又重申沒有嬲︰「玩嚇唔緊要，係冇咗封司儀利是，得無線一個騷啫。」
曾被整蠱的沈卓盈昨說︰「俾人整完我一直守住秘密，希望更多人中招。自己都有底線，玩蛇同青蛙一定喊。」
2 : GS(14)@2013-04-22 22:58:12

去片
PermaLink: https://articles.zkiz.com/?id=282599

要餵奶又湊女Bob讚老婆：呢啲先係「慈母」

1 : GS(14)@2014-12-24 02:22:50





警務處處長曾偉雄前日喺電台節目發表「慈母論」，佢話警方處理佔領事件時，已採取最包容及最容忍態度，又話唔想傷害學生。佢舉例指10月3日旺角爆大規模衝突，場面好混亂，佢指當時有啲場面令佢感動，有警員好似慈母咁，保護佔領者，以身體擋住反佔領人士，讓學生離開，以免佢哋受傷。至於身為三女之父嘅DJ林盛斌（Bob），對「慈母」有另一番體會，Bob昨午喺微博貼咗張太太與三個寶貝女照片，Bob讚揚老婆先係真係嘅慈母：「無論打理屋企家頭細務幾咁辛苦，湊BB餵人奶幾咁攰，都仍然有心有力陪d（啲）女一齊玩，呢d（啲）先係我心目中真正嘅『慈母』。」





來源: http://hk.apple.nextmedia.com/entertainment/art/20141222/18977794
PermaLink: https://articles.zkiz.com/?id=286891

Bob撐好友失手幫倒忙

1 : GS(14)@2015-04-13 08:53:48

■Bob（右）連日在網上力撐Louis，並稱不知當日魔術底蘊，反惹更多人抨擊。微博圖片


魔術師Louis的「杯麵魔法」被網民在街外影到穿崩，繼而被網友鬧爆不專業。不過拍檔林盛斌（Bob）連日在網上力撐，反斥拍攝者行為「缺德」。Bob昨在facebook再列舉反擊「相信冇人會認為David Copperfield（大衞高柏飛）真係變走咗自由神像，Criss Angel（安杰爾）真係將啲人分開一半」，並稱不知底蘊：「對於嗰段唔知邊個拍同唔知點解要拍嘅片段，我想講我都係睇到條片先知原來個魔術係咁變！」他認為每個魔術都是一個精心創作，相信所有幕後團隊都會盡力保守每一個魔術秘密。曾經跟Louis學玩魔術的李綺雯亦在fb說：「希望不會有天觀眾看到跳樓戲的幕後製作，質疑演員不是真跳樓。一個魔術師和他的團隊，能夠完成十集的街頭魔術，四五十個街頭魔術，絕不簡單，何不用欣賞的心情去享受呢。」撰文：嵐山





來源: http://hk.apple.nextmedia.com/entertainment/art/20150413/19110108
PermaLink: https://articles.zkiz.com/?id=289539

新城派30大信封家燕姐Bob全職變兼職

1 : GS(14)@2016-01-13 08:33:51

■（左起）思敏、關嘉美、范振鋒、薛家燕、Jackie、Bingo和Bob主持的《開心家天下》昨日最後開咪，之後僅餘一周一次新節目《開心大派對》。


新城電台大地震！昨日是新城高層朱明銳和黃紫盈在電台工作最後一天，傍晚有節目主持人及辦公室文員（幕後）各15人，合共30人收「大信封」，據悉包括出道23年的DJ路芙（曾潔）、董敏莉、科林、陳禮賢等，薛家燕、林盛斌（Bob）和范振鋒則由全職變兼職，一直主持的《開心家天下》停播，只能轉做每周六下午新節目《開心大派對》。另外，昨日亦是港台《晨光第一線》元老級DJ羅啟新和程振鵬最後一日開咪，大氣電波瀰漫一片愁緒。早前暗示「被退休」的銳哥昨日在返工前於facebook寫了一篇千字文，直言心情悲喜交集：「我這麼多年親手在電台培育的一班有夢想年輕人、今天跟我一齊離開這個夢工場！宿命如此、大家且快樂時要快樂、等到落幕人盡寥落！」


■路芙（左）和董敏莉無得留低，路芙嘆見盡人情冷暖，見到好多「偽人」。

路芙：預咗喺list度

傳聞是裁員名單之內的路芙亦在fb跟大家說再見，並指今次事件見到好多「偽人」，她做完節目後說：「預咗喺list（裁員）度，老闆都走咗，咁我點啫。」她承認一朝天子一朝臣，問是否看盡人情冷暖？她說：「係feel到某啲同事突然間陌生咗，但呢個世界係圓，你自己蝕底啫。」路芙拍檔董敏莉則說：「之前（陳）少寶哥冇機會，但我認為作為一個主持人係有責任同聽眾道別。」　科林傍晚亦收到大信封，連夜晚節目都立即被out，他直言好難受：「好多行動鬼祟，私下唔畀同事講，又冇被人通知過，前幾日仲要喺牆上poster全部消失，講聲先都冇所謂啦。」


■Bob要由全職變兼職，部份DJ同事更被裁走，新城電台一片愁緒。


家燕姐、Bob和范振鋒都有安慰離職同事，家燕姐認為係資源問題，精簡人手在所難免，但會盡力幫被裁同事，她說：「都會爭取番喺出面做活動時請番嗰啲同事幫手，因為大家都好有默契。」而傳是下任副台長的林柏希表示未收到通知，新城管理層回應指基於資源共用情況下，才有今次節目改革，但人手精簡後，新節目表難免要學亞視，滾筒式重播節目。採訪：盧妹攝影：陳俊強





來源: http://hk.apple.nextmedia.com/entertainment/art/20160109/19444648
PermaLink: https://articles.zkiz.com/?id=294138

【馮仁昭四圍超】王梓軒望Bob帶挈拍戲

1 : GS(14)@2016-03-28 14:16:16

王梓軒、亢帥克前晚喺九展擔任歌唱比賽表演嘉賓，梓軒話最近有幾個廣告客戶想攞佢首《碰不上會更美》做廣告歌，其中一個客戶要求佢扮韓劇《太陽的後裔》男主角嘅軍裝look。另外，佢老友林盛斌（Bob）有電影主角做，梓軒笑話：「我成日問佢幾時幫吓細佬，點解佢成日咁多嘢撈，唔喺手指罅漏啲畀我。我知佢唱歌好聽好感人，我諗住寫歌同佢交換啲電影拍。」撰文：馮仁昭





來源: http://hk.apple.nextmedia.com/entertainment/art/20160328/19546928
PermaLink: https://articles.zkiz.com/?id=298660

阿Bob攻韓：近咗宋仲基

1 : GS(14)@2016-05-08 01:44:15

林盛斌（阿Bob）和「動漫Maggie」李曼筠等前晚在旺角出席音樂劇《誰伴我闖盪》慈善首映，阿Bob表示稍後會為網購代言，廣告會在韓國推出，他搞笑說：「我同宋仲基距離拉近咗。」提到他最近和麥玲玲拍攝電影《我要發達》，講述阿Bob中了六合彩金多寶，他表示昨晚有買一億彩金六合彩，他說：「我仲重鎚出擊，我落注唔同人夾㗎。」阿Bob透露會揀妻女生日日期作賭博的幸運號碼，試過盤有斬獲。另外，Maggie則透露有意出寫真，她9月會到山區探訪做義工，到時為相集取材。採訪：羅慧敏、楊定





來源: http://hk.apple.nextmedia.com/entertainment/art/20160506/19599418
PermaLink: https://articles.zkiz.com/?id=299766

【馮仁昭四圍超】Bob嫌頭髮太熱

1 : GS(14)@2016-06-20 05:45:26

林盛斌（Bob）同江美儀噚日到銅鑼灣宣傳電影《綁架丁丁當》，即場親手調製同試飲「訂情鹹檸七」，不過佢哋落檸檬汁時太重手，試飲後齊聲大叫：「嘩！咁鹹嘅！」講到佢哋喺戲入面有學生造型，江美儀話：「都開心㗎！好似返番去學生時代咁。」阿Bob就笑話唔係太習慣自己個Bob頭造型：「原來有頭髮都幾熱㗎！」撰文：馮仁昭





來源: http://hk.apple.nextmedia.com/entertainment/art/20160620/19660910
PermaLink: https://articles.zkiz.com/?id=302265

Bob做司儀要耍拳

1 : GS(14)@2016-08-14 14:29:25

林盛斌（阿Bob）前晚在澳門出席「藍神秀澳門站」開幕活動，有份投資的阿Bob說：「個騷喺外國好出名，所以引入澳門試吓做，公演到月尾，反應都唔錯。」不過他直言近半年市道下滑，公司業積也差了很多：「我嘅司儀工作雖然冇話少咗，不過啲人請我，會加好多要求，例如叫我唱歌，或者耍套拳咁，我都會盡量配合。」




來源: http://hk.apple.nextmedia.com/entertainment/art/20160814/19735263
PermaLink: https://articles.zkiz.com/?id=305807

【馮仁昭四圍超】Bob玩具贈女當出糧

1 : GS(14)@2016-09-28 05:04:36

林盛斌（Bob）育有三女，為養起頭家搏到盡，即使上周六37歲牛一，佢都開工，仲帶8歲大女林霏兒（右）同4歲二女林熹兒去將軍澳MCP新都城中心拍宣傳片，寓工作於親子，Bob噚日話：「生日同兩個女開工好開心呀，佢哋離開媽咪嘅監察，又咁啱拍商場食肆，所以放縱叫美食，好似放監咁，拍完我又帶佢去行玩具店，出糧畀佢哋呀。」撰文：馮仁昭




來源: http://hk.apple.nextmedia.com/entertainment/art/20160928/19783786
PermaLink: https://articles.zkiz.com/?id=310456
Next Page
ZKIZ Archives @ 2019