防被質問是否支持梁振英連任
1 :
GS(14)@2016-03-18 23:43:01【拆局】今次李慧琼辭任行會一職，有建制派中人指是去年的決定，只是中間「發生一啲事」，令決定推遲到近日才落實，但有泛民及政界中人不信此說法，直言就算是早有安排，但明顯民建聯是想趕於9月立法會選舉前有個了斷，「相信李慧琼同民建聯想選立法會嘅人，睇到周浩鼎係選舉論壇，係咁俾人質問支唔支持梁振英連任，都想佢（李慧琼）快啲辭職」。
去年決定 今才落實
有建制中人指，李慧琼辭任行會一職是去年的決定，因民建聯有不成文規定，黨主席不出任行會成員，主要考慮行會成員須遵守集體負責制，為免一旦兩個身份出現衝突會影響黨務發展，如2008年曾鈺成擔任立法會主席要辭去行會成員時，當時譚耀宗任民建聯主席，就由時任副主席的劉江華加入行會，到2012年劉江華敗選，就改由另一副主席李慧琼頂上。至於李慧琼為何到現在才辭職，另一建制中人形容中間「發生一啲事」，但不肯具體說明。有政界人士相信因政改甩轆，之後泛民又在議會全面拉布等事有關，「令北京唔想郁住」，但他相信李選擇在現時辭職，一定不是沒有政治及時間考慮，他認為是民建聯9月立法會選舉部署一環，「李慧琼始終係主席，我諗好多民建聯立會候選人唔想俾泛民喺選舉論壇質問，你哋主席喺行會，係咪代表民建聯支持梁振英連任？」■記者莫劍弦
來源:
http://hk.apple.nextmedia.com/news/art/20160318/19534791