財經八一八: 阿里進軍博彩業？
1 :
GS(14)@2016-03-13 01:44:44https://hk.finance.yahoo.com/new ... D%8D-220000181.html
講開雷軍，內地科網紅人仲有「雙馬」，兩者更可謂百足咁多爪，阿里巴巴最新就竟然搞埋賭！事關亞博科技（08279）公布，向阿里巴巴及螞蟻金服旗下公司，配售約四十八點一七億股，每股作價零點三四七八人仔，涉資十六點七五億；同時，兩者又準備再認購最多二十點四九億股可換股債券，換股價都係零點三四七八，代價為七點一三億，成單「刁」總共花費廿三點八八億銀，行使晒可換股債，兩者就會住亞博六成權益。之後亞博會淘寶營運彩票頻道，而阿里同螞蟻金服就會以亞博作為申請彩票業務之獨家平台。
睇返亞博，主要內地提供彩票技術、體育彩票管理同營銷顧問服務，近年正式進軍彩票遊戲市場。簡單理解，可分為硬件及軟件兩大範疇，硬件係彩票終端機同驗票機，市佔率約四成，後者則貢獻整體收入逾八成，毛利率約一成，按內地彩票市場增長計，每年增長料介乎百分之五至十，前景好似唔錯。不過，高追亞博科技股民就唔多好彩，立即中伏，再次應驗阿里巴巴名字背後潛藏意義！