矛盾加劇 街頭對決
1 :
GS(14)@2016-03-08 16:05:30政府趕絕小販非一日之寒，青年新政梁頌恆記得，去年農曆新年本土民主前線也在旺角守護小販，更幫忙清理垃圾，被冠上「左膠」之名，一年後同一班青年卻被指為「暴徒」。梁認為掟磚觸發點是警察無理驅趕人群及開槍所致，遠因是政府未能解決港中矛盾等問題，促使市民以自己方式在街頭解決，「相信一啲相對混亂畫面會陸續有嚟」。若把掟磚直接牽扯到非暴力抗爭無效，梁認為過份簡化，「你現場聽到兩下槍聲，如果嗰下反應係驚多過嬲，就會走。嬲多過驚，就搵嘢丟佢，只係人類集體自衞機制」。
梁頌恆
梁頌恆：唔好怪港人下下嚟真
梁強調港人「好現實」，做每件事都希望有效果，「勇武派只係想解決問題，而唔係為咗威」。港中矛盾每天上演，「唔同香港人suffer緊，呢班人久而久之聚埋一齊，問題解決唔到會慢慢趨向激進」。政府等到有人踢篋、罵哭小孩，一簽多行才變一周一行，「去到呢個地步先解決係好大鑊，唔好怪香港人下下同你嚟真」。梁批評政府志不在解決衝突源頭，「瘋狂將隻鑊推向抗爭者，就當件事解決咗。事實上呢班抗爭者會繼續存在，只會越來越多」。
來源:
http://hk.apple.nextmedia.com/news/art/20160308/19520929