📖 ZKIZ Archives

醫生減工時 左丁山

2011-11-09   AD

星期日睇城市論壇，講應否輸入海外醫生到公立醫院工作，港大肝科權威盧寵茂教授俾兩位私家醫生圍攻，冇人幫口，好彩佢就真係老經驗醫生，十分老定，一一招 架得住，相形之下，兩位私家醫生俾人嘅印象係得個嘈字，佢地自稱係醫生選出嚟嘅代表，事實上又係，真係叫人懷疑，醫生呢一行點樣投票選人㗎，佢地唔係個個 讀書考試成績好叻嘅咩？
盧教授講得好啱，佢做公立醫院之時，醫生每周工作超過一百小時，現在公立醫生爭取到每周工作最多六十五小時，淨係計呢樣， 已經要多聘人手。有數得計，假設某公立醫院有醫生一百人，每周每人工作一百小時，該醫院每周總醫生工時係一萬小時；現在醫生要工作六十五小時，若要維持每 星期一萬工時嘅話，就要有一百五十四名醫生，即係話擴張編制百分之五十四，而現在根據議員醫生講，醫管局醫生編制已經擴大三成，即係仲未夠人手啦，唔怪得 啲公立醫院醫生做到氣咳。
新增公立醫生從何而來？本地兩大學醫學院培養一名醫生要五年，之後畢業生要實習，正是遠水難救近火。要同時滿足（一）公 共醫院之公眾醫療需求，維持服務水平；（二）令公立醫生能夠服務最多每周六十五小時，暫時只有一個方法，就係輸入外勞，從海外聘用合資格醫生。如果啲一小 撮私家醫生堅持反對輸入海外醫生嘅話，唔該啲公立醫生每周工作增加十小時起碼，即係至少七十五或七十六小時。我可代表市民，並不反對公立醫生減少工時，但 希望公立醫院能夠增聘醫生啫，啲本地私家醫生願意放棄私人醫務所，或不再在私立醫療機構服務，而投身公立醫院咩？
醫管局其實已經驚咗啲私家醫生反 對，招聘醫生啲條件並不慷慨，導致少人申請，即使係咁，仍然觸動佢地神經，睇嚟遲早會變成政治問題。任何一位疑似特首候選人都要審慎思量，未來嘅醫生人手 政策係向市民傾斜（多聘海外醫生，擴大醫學院學額）吖，還是向小撮醫生壓力投降？廣大市民不妨金睛火眼睇到實！

PermaLink: https://articles.zkiz.com/?id=29154
Next Page
ZKIZ Archives @ 2019