新年將近,除左收到d private bank既利是封, 一路未收到街坊銀行既利是封, 以為今年縮皮, 點知呢兩曰call我, 全部要求我親身前往, 話順手俾埋新鈔我. 獅子我仲未去, 因為唔順路, 今日去左兩間中資銀行先.
第 一間, 我一入到去, 即俾個分行經理拖入房, 已心知不妙, 因為佢出面好似有客先到. 佢叫人去拿利是封和新鈔後, 即刻神色凝重咁吐左一輪苦水, 原來唔夠數, 我話家陣銀行水浸, 有乜理由缺水? 佢話因為上年放太多水, 依家係全間行要撲水, 我問佢係咪上面缺水想從香港調, 佢只係答大家都缺水, 呢個月要執靚盤數, 唔係佢個位都可能保唔住.......
第二間就好d, 同我講有好野益我, 新資金一個月定期有0.8%息咁多, 個額大既仲可以再加, 我心諗咁咪分分鐘高過1yr LIBOR.....我問佢咁蝕本既生意搏咩? 佢終於肯講實話, 再三要求我幫幫手, 一兩個月就ok....
印 像中第一次俾銀行call 錢係98年, overnight抽上300%那天, 我好榮幸地竟然俾獅子call, 之後幾年都係12月d中資bank例俾call我幫手埋年結, 04年之後我再冇收到呢d求助call. 一葉知秋, 似乎上面收水都收得好急下, 會否累到本地既中資行都收緊埋, 我估下個月就知.