G.E.M.粗口鬧工作人員 仲有片？
1 :
GS(14)@2015-04-05 22:19:42
全盛時期嘅鄧紫棋(G.E.M.)可以得罪幾多人呢?繼香港同台灣傳媒之後，喺內地「發跡」嘅宇宙巨G.E.M.，連內地傳媒都開始「爆內幕」。因為參加《我是歌手》爆紅，但係早前傳出G.E.M.因為想喺《我是歌手》雙年巔峰會唱新歌，而激嬲導演洪濤，點解咁想唱新歌？有得宣傳新碟又可以有曝光，係人都想啦，咁但係點解有啲節目唔俾唱新歌?好似上次G.E.M.上台灣《康熙來了》咁，節目性質理應唔可以作宣傳，唱新歌有機會觸犯條例被罰錢。講到咁，其實好多歌手都唔會太堅持，但就傳出G.E.M.經理人張丹土豪金上身，話罰錢佢哋俾咁話。
o依家輪到佢想喺《歌手》唱新歌，到最後張歌單真係飛起咗巨G.E.M.，洪濤方面表示係「蜂鳥公司提出因無精力準備翻唱，如果能唱新歌才答應來」，點解翻唱冇精力，唱新歌就有精力呢?呢個係一個謎。好啦，今日內地新浪網就有位音樂圈中人爆料，話原來早喺G.E.M.上年參加《歌手2》，已經囂到爆炸，仲話佢對住工作人員爆粗「xx(估計是fxxk) you」，仲搞到個工作人員喊起上嚟，報道話呢個畫面當時有拍低，有人提G.E.M.唔好咁，G.E.M.就冇有怕話:「沒關係，他們不敢播的。」該名音樂圈中人話G.E.M.「又想要錢又想打歌」，不過《歌手》呢個節目一向以翻唱為初衷，舊年G.E.M.都參加過巔峰會理應非常精楚，所以並不存在好似G.E.M.咁講，臨時要求佢換歌云云。
來源:
http://hk.apple.nextmedia.com/entertainment/art/20150403/19100341