綜援狀元 靠知識脫貧
1 :
GS(14)@2015-01-01 21:39:55
李奇光（圖）為2002年十優會考狀元，幼年喪父加上靠綜援過活，被傳媒冠上「綜援狀元」之名；十多年過去，小伙子已從港大畢業成為醫生，正受訓向外科之路進發。李從不為出身感自卑，冀讀醫改善家境，是知識改變命運的典型例子。對於有人因家貧而不敢報讀醫科，他感到匪夷所思，「並非人人係醫生世家，呢個世界有能者居之」。今年28歲的李奇光，從港大醫學院畢業已經5年，實習後在屯門醫院任職，現於伊利沙伯醫院接受心胸肺外科訓練。一家三口本身居於將軍澳公屋，大學時期要靠獎學金和學生貸款幫補，當上實習醫生，領取首份薪金後即時取消綜援，後來更遷出公屋租住私人樓。成功脫貧的他形容自己沒有甚麼轉變，「冇話（生活變得）好奢侈，租樓住，都會返媽咪度食，平淡生活」。
「香港有機會 只要肯努力」
對於兩間大學指基層出身醫科生減少，李奇光認為，可能是社會大環境較以前理想所致，但強調香港有足夠機會，「就算屋企好窮，領綜援住公屋，機會都唔會被剝削，只要肯努力，就會入到想入嘅科，做到理想嘅職業」。他指，同學中有較富有的同學，亦有出生基層的同學，但不論窮富，大家一起於醫學院學習，其實沒有太大分別，「聽筒就算你唔買，病房都會有，唔會有大影響」。基層出身，李奇光更能感受基層病人苦況。他指，在醫院經常會遇到窮病人，「有啲檢查只需花費幾千蚊（去私家做），就唔使喺公立醫院等幾個月，因為（我）以前試過經濟拮据，所以會明白（佢哋畀唔到錢），會諗辦法幫佢哋，例如用唔用到社會資源，或者因應病情爭取早啲嘅期」。李奇光寄語正在基層努力奮鬥的學生，「唔好諗自己家庭點比人輸蝕，好多名醫都係出身基層」。自強不息努力上進，窮書生終能出人頭地。
有料放？想收料？入嚟【蘋果互動】啦！【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
來源:
http://hk.apple.nextmedia.com/news/art/20131230/18571512