學友自爆投資物業險破產
1 :
GS(14)@2014-05-19 12:48:24http://www.skypost.com.hk/娛樂/娛樂/20140519/002/學友自爆投資物業險破產/138792
離開娛樂圈多年的上山詩鈉，她投資的火鍋店昨天舉行開幕禮，剪綵嘉賓堪稱史上最強，「四大影帝」梁家輝、張家輝、梁朝偉及張學友同場現身。學友坦言替人開心但自己唔識做生意，當年投資物業更差點搞到破產。
張家輝、張學友一齊接受訪問，學友表示：「我同佢（張家輝）合作拍緊《赤盜》，如果一齊做生意，只會攬住一齊死，我做生意得個桔，一係連桔都無埋。」家輝亦承認並非做生意的材料。
學友隨即自爆當年與志偉夾份做生意，結果「瓜咗」。他嘆謂那時投資買賣物業，試過差點破產，身旁的張家輝聞言亦嚇窒：「吓，咁嚴重？」兩人合作是否可以負負得正？學友繼續耍手，並稱還是腳踏實地一齊拍戲就夠了。
戴上黑超的張家輝坦言剛睡醒，雙眼仍有些少腫，他一直堅持唔除眼鏡，直至影大合照時，「老闆娘」上山詩鈉貪玩搶走了他的黑超，相當尷尬。此外，張家輝承認將接拍《賭城風雲2》，雖然仍未簽約，但很高興跟發哥合作。有傳是頂替杜汶澤的角色，他即緊張回應：「唔得啦，我要搵阿哥（學友）代答呀。」學友立即為他解圍：「要搵人頂梗係搵我，我點都無咁貴。（你片酬低過阿澤？）我平過阿澤，我頂仲可以平啲。」
偉仔唞暑唔開工
梁朝偉透露早陣子去了滑雪，問他可會幫太太劉嘉玲打理生意？偉仔坦言：「我唔識，亦無興趣，都無做過生意。（不擅理財？）因為自己唔鍾意。」嘉玲與梁家輝將演出舞台劇《杜老誌》，雖然工作忙碌，偉仔表示他們總有時間見面。他又透露目前揀緊幾個劇本，只是嫌夏天開工太辛苦，想等到九月天氣轉涼才開工。此外，上山詩鈉的表弟張智霖亦有到賀，他表示母親節期間去了澳洲拍廣告，順道探望媽咪。
採訪：Pauline
攝影：Lego
編輯：陳禮恒