ZKIZ Archives


就係要反對 蔡東豪

2008-11-27   NextMagazine


電盈是一間有特別個性的上市公司︰沒有搞作的時候,它真的完全無新聞,但每當電盈主席李澤楷有財技搞作,傳媒和股民的情緒立即變得激動。近日李澤楷再成為市場焦點,原因是他夥同電盈第二大股東網通提出私有化電盈計劃。

私 有化計劃公布後,市場反應是一面倒不贊成,認為出手太低,而且所用的手段有問題。私有化作價是4.2元,比停牌前的2.75元電盈股價有53%溢價。值得 注意是電盈股價過去多年絕大部分時間未低於4.2元,近期股價大幅下跌,主要是受金融海嘯拖累,李澤楷是趁市場大幅回落提出私有化電盈。所謂私有化作價相 對於電盈2.75元「海嘯價」有可觀溢價,大部分股民不以為然。「海嘯價」根本不能反映電盈真正價值。

作價太低是一個問題,但這問題有 方法解決,就是把作價提高,這可能正是李澤楷的策略;先提出一個較低價錢,試探市場反應,視乎反應再作調整。這樣做一方面可順應民意,另一方面收「林行止 公社養豬」效應。可是私有化計劃牽涉另一個更嚴重的問題,是關於電盈小股東對李澤楷處事手法有意見,這問題我想不出解決方法。

私有化計劃指 出交易完成後,電盈將會立即向銀行大規模舉債,然後向李澤楷和網通這兩位大股東派發特別股息,金額達170億元,比他們為私有化動用的資金還要高,即是兩 位大股東不付分文便取得電盈所有股權。傳媒訪問股壇老行尊蔡陳葆心,問她對電盈私有化的看法,她一語中的︰「股東應該不會贊成這次私有化計劃。收購價是否 合理已不是焦點,問題在於收購手段。」

李澤楷不付分文就把電盈私有化,電盈小股東心裡不是味道是正常反應。私有化計劃完成之前和之後,電盈 主要資產依然是HKT,不管李澤楷搞什麼財技,怎樣把HKT左撥右撥,搬上搬落,具盈利和舉債能力始終是HKT。既然電盈在私有化完成後有能力向兩位大股 東派發170億元股息,為何不選擇現在就把特別股息派發予所有股東?相信電盈小股東大都不介意先收一筆現金(每股約2.5元),然後持有負重債的上市公司 股票。多年來股東經歷電盈一項又一項財技活動,本已變得麻木,但今次私有化計劃大股東和小股東的利益未能一致,甚至是對立,引起的負面情緒相當大。

有 一則消息,香港傳媒沒大加報導,電盈小股東得悉後可能更加不開心。《金融時報》引述私募基金界人士說話,他們得悉李澤楷提出每股作價4.2元私有化電盈後 大為不悅,並期望電盈小股東反對(The private equity guys are furious. They can only hope the minorities won't accept it),因為私募基金較早前提出收購HKT的作價高於每股4.2元。電盈出售HKT股權予第三者,假如把收取得來的現金用作派發特別股息,全體股東受惠, 李澤楷和小股東的利益一致。為什麼出售HKT計劃告吹後,立即出現李澤楷和小股東利益對立的私有化計劃?電盈兩大股東憑着HKT向銀行取得貸款派息予自 已,證明金融海嘯沒有影響銀行對HKT借貸能力的信心,為何電盈跟私募基金的交易告吹?

電盈私有化計劃帶出一個有趣問題:公司私有化後派股 息予股東,是交易之後的事,為何李澤楷要事先張揚,令小股東情緒激動?他可否不作一聲,待電盈變成私人公司後,派息予股東便不用公諸於世。我相信李澤楷是 迫不得已才把全盤計劃公開,他很清楚私有化後派息予大股東會引起小股東不滿。沒辦法暗度陳倉地進行,我估計原因是周正毅案的陰影。

 

金 融界聽到「周正毅」這三個字立即面色變白。今年九月,多名財經人士被判入獄,罪名就是在收購上市公司的公告中,隱瞞關於新大股東在收購後的後着。周正毅案 之後,財經人士的處事態度必定寧枉不縱,假如電盈私有化的時候,不披露交易完成後派高息的資料,有可能要負上法律責任,今時今日沒有人願意冒這個險。電盈 小股東有機會知道李澤楷的後着,可能要多謝周正毅。

電盈小股東現面臨兩難情況︰不私有化電盈,股價短期內難見4.2元,但在海嘯中低價售股離場,條氣可能不順。投資股票應該是理性行為,所有事情以今日環境來考慮,可是李澤楷卻每每觸動電盈小股東的感性神經。當感性壓倒理性,電盈小股東有可能為反對而反對。

上期《Dear Jimmy》刊登後,原來在中環惹來極大迴響,很多人問我索料,究竟肥佬黎輸了幾多,據聞有對沖基金經理更走上門找他投資。

原來當經濟下滑,香港人不只身家減了,幽默感也同步萎縮,竟然有人誤會這遊戲文章真有其事。

蔡東豪 Tony Tsoi

現任上市公司精電國際行政總裁,港交所上市委員會副主席。他曾任職投資銀行,在《信報》以筆名原復生撰寫財經專欄,對投資及求知有無限渴求,習慣早上四時起床寫作找樂趣。
PermaLink: https://articles.zkiz.com/?id=4207

港80後退休真係要儲250年? Home Blogger

http://www.homebloggerhk.com/?p=4977


冇錯, 係250年,唔係25年! 又係摩根做出黎既死人調查,假設你每月只可儲$2000,佢地訪問左一班80後,話要600萬先夠退休。於是佢地就將6.0mil與2000蚊相除,係低息環境下冇利息計算,就咁儲要成3000個月,即250年! 又係一個嘩眾既主題,引你諗下點樣去儲錢。

 

Well,摩根當然係報頁後幾版做多段廣告,比個方法你定驚! 當然係join佢地既長線共同基金計劃! 假設回報9%,好專業咁假設埋通賬於過往30年係3.8%,然後得出你只要儲5000蚊一個月係(9-3.8)%回報下,你只要儲25年就可以收皮,一天都光哂! 呢個方法係報紙、係保險agent、係銀行都聽過,似曾相識。

 

摩根咁大間公司計既數一定正確,但係佢冇將自己個plan入面既收費加埋入去。每年複息效應滾幾廿年固然厲害,但每年2%既收費滾廿幾年都好「和味」! 呢個就係各大財務機構花盡心思叫你儲錢既原因。對於摩根最正既就係可一雞兩食! 今日先叫你死慳死抵儲起舊錢,他日又幫你管理埋你個六百萬,一於收費收到你死為止!

 

講到呢度,你可能問諗樣係咪又叫大家買樓?? 樓雖然好但你唔只得一個方法幫你退休。你需要既唔係咩產品,而係要幫自己養成定額儲錢既習慣同埋選擇一個同通賬跑得一樣快或更快的投資產物。基金最叻只會同大市同步,最起碼香港大賣既開放式股票基金係! 基金經理往往將基金表現同某一指標比較,如香港基金就同恆指,歐洲基金就同MSCI歐洲指數。如果當年恆指係跌10%,開放式基金只要做到-3%回報就當羸,有基金更會更此收你表現費! 係咁既規則下你係基金經理都唔會同個客號贏大市咁多啦! 仲有佢個portfolio咁大,基本上都係買大籃籌,咁做就算贏大市都有限。

 

上段所論係開放式股票基金,香港有約70%你見到既fund都係呢種,冇咩用! 不過買佢總好過你跟阿婆買個得number既股票。至於債券基金、追求絕對回報基金或對沖基金不屬於開放式股票基金範疇,回報可有驚喜。至於你間唔中聽到既房託(REIT),或Mr.Li既^87001,又係另一回事。有機會再撰文詳述。等唔到可以係諗樣既forum問(遲幾日補貼條link),或電郵個case比本樣亦可。總之,唔好跌入去豬仔錢罌個trap入面。

 

你只要每隔一季買金粒,或做個三至五年saving plan然後將舊錢攞黎買樓。又或有錢就買澳洲紙,都係諗樣見過同可行方法。唔一定要廿幾歲仔commit個幾十年既(痴)根saving plan! 當然諗樣就買樓,買樓係先借一筆錢hold起間樓,然後係黎緊二三十年用眨緊值既美金(港紙)去還。正如你廿三年前好辛苦咁用五十幾萬買間美孚新村,今日供緊樓既一千幾百,究竟係咩錢呢? 手頭間樓仲有租收添! 金冇息,澳洲紙有! 點樣退休? 往後再談。

PermaLink: https://articles.zkiz.com/?id=38631

爆杏兒做人唔識講嘢張學潤:同佢溝通係要啲時間瞭解

1 : GS(14)@2016-09-25 10:28:21

主力喺大陸搵人仔嘅胡杏兒,啱啱喺上海做完五場舞台劇《我和春天有個約會》,不過跟住喺巡迴演出,女主角換咗做楊怡,嗰陣話仲最大原因係因為杏兒有意出年生B,喺時間上難啲配合,另一個原因有傳係杏兒要求多多兼扮大牌,所以主辦單位決定換角。事後杏兒同主辦單位都否認呢件事,仲話大家一直合作愉快。昨日有周刊報道話有份參與《我》演出兼做形象統籌張學潤(Nel Nel)就話查實最初楊怡同萬綺雯已經喺名單上,只係佢哋檔期配合唔到推咗,跟住杏兒喺蜜月之後先落實演出,冇話邊個取代邊個,唔用原班人馬演出係希望有新鮮感。講到有傳話杏兒要求多多,Nel Nel就話唔可以話佢冇要求,但要求都算合理,佢只係一個唔識講嘢嘅人,同佢溝通係要啲時間瞭解,Nel Nel又指喺呢行撈咗咁耐,好多時藝人要求合理,都會盡力配合,佢又喺報道中講到杏兒同江美儀都有自備髮型師,而身為形象統籌嘅Nel Nel都唔抗拒,當係一個學嘢嘅機會。之後Nel Nel仲承認有演員為咗可以巡迴演出,而私下接觸主辦商,佢喺報道稱係唔介意佢哋忽略自己,不過冇開名講係邊個,只係話唔唔識得行規同尊重,唔會再有下次合作機會。




來源: http://hk.apple.nextmedia.com/entertainment/art/20160925/19781269
PermaLink: https://articles.zkiz.com/?id=309987

日圓試7算又升過!唱Yen要快定係要忍?

1 : GS(14)@2017-02-08 22:11:22

日圓滙價近期轉強,昨早曾見6.9510的去年12月以來高位,較1月初低位6.5算回升6%!如果錯失之前6.6算低位,再喺日圓突破6.8算、確認升勢重拾之際,錯失埋良機,去到目前6.93算,究竟點好?橫豎都差不多7算心理關口,不妨博7算有阻力回落,然後才唱錢,因為7算上升阻力不小。7算阻力有幾大?第一,整數位本來係重大心理關口;第二,呢個位亦係2016年1月至5月嘅密集阻力區及支持區,反映日圓好友往往喺升至7算就停一停、諗一諗,正所謂「有糊唔食、罪大惡極」,總有日圓好友於7算左右選擇獲利,因此博日圓上7算然後《蘋果日報》即時新聞大字標題嗌咪時,隨時會出現回吐,到時睇回吐到乜嘢位先唱yen亦未遲。




來源: http://hk.apple.nextmedia.com/financeestate/art/20170208/19921699
PermaLink: https://articles.zkiz.com/?id=325928

政治就係要睇人 方卓如

1 : GS(14)@2017-02-11 23:50:23

2016-02-07 HJ

薯片出咗政綱,唔同人總可以搵到一兩項措施去攻擊。政綱係選舉承諾,講咗要做,唔做會俾人算賬,唔可以立亂開空頭支票。如何討好所有人而又唔會做唔到俾人鬧?美國總統特朗普其實做咗一個政綱最好嘅示範,唔使討好所有人,集中討好buy你嘅人,任由憎你嘅人繼續憎你。只要buy你嘅人多過憎你嘅人,咁你就贏。

政綱比併只係紙上較勁,將來會唔會走數冇人知,做唔做得足又冇人知。政綱唔可以冇,至少要俾人睇到你係乜嘢人,同埋白紙黑字將來可以搵你找數。但係5年之後嘅今天,香港人領教過,原來政綱講得如何天花龍鳳,邊個去實行政綱先最攞命。

擁有自由意志嘅人,响呢場唔太真嘅選舉,唯一應該依靠嘅選人準則,只可以係呢個人會唔會有好多政治債要還,係唔係某勢力嘅扯線公仔,有沒有往績同惡人對抗而仍然能夠屹立不倒。好坦白,有點對人唔對事,因為過去4年幾我們發覺,壞人可以搞喎好事,對事不對人是書呆子行為,政治就係要睇人。

近距離接觸過4名參選人,各有長短,無人完美。你可以稱為lesser evil,但沒有完美化身之下,次完美還是lesser evil,虛名啫,無意思。要比較,只可以拿最重要嘅一樣來比較,否則你永遠覺得十五十六,揀唔落手。最重要係乜?係下屆政府唔可以同今屆政府作風一樣,以強為剛,以鬥為樂。強人政府,唔一定為你開山劈石,掉轉頭可以令你頭破血流。4年幾以來大家打得性起,而家要唞唞,要hea吓,要休養,好事。

從良心出發,唔理追魂call,唔去西瓜靠大邊,我選擇薯片。有什麼承諾要他應承?好簡單,要佢承諾千祈唔好表裏不一,選舉前後兩個樣。上屆經驗,選舉工程可以呃人,但選舉完就現形。一個有跡可尋嘅人,一個可以擁有基本智慧嘅競選班底嘅人,一個可以俾眾人真金白銀支持嘅人,我相信自己唔會揀錯。

如果他日香港重蹈覆轍,又出現個騙子,我當然要為自己缺乏眼光負責,隱居求去不再獻世,同時哀嘆香港運數如此,接連受害。但到目前為止,我相信是最好、最合理、最對得住支持者嘅選擇。

#方卓如 #港股分析 #方如玉帥 - 政治就係要睇人
PermaLink: https://articles.zkiz.com/?id=326435

Next Page

ZKIZ Archives @ 2019