📖 ZKIZ Archives

人物專訪：香港寬頻CEO 拒絕賺盡　力撐員工　提倡五天工作

1 : GS(14)@2013-05-01 16:42:21

http://hk.apple.nextmedia.com/financeestate/art/20130501/18245658
先旨聲明，這個訪問於碼頭工潮爆發前所做，楊主光抽水的嫌疑應該小一點。香港寬頻為本港第二大寬頻服務供應商，去年因魔童王維基「籌錢」搞電視業務，將之以50億元售予私募基金CVC，被賣的包括楊主光及60多名管理層，CVC讓這班管理層斥近1.7億元入股公司（13.1%）做老闆，但這班老闆仔竟然「作反」起來，「唔單止為股東賺錢，我哋嘅理念唔係賺到盡。」楊主光指，同事為新的香港寬頻定下共同核心目標──「成就香港更美好家園」。

「寬頻月費仍有得減」

                口講無憑，香港寬頻今年初帶頭減價。楊主光指，考慮到目前香港的經濟，寬頻月費平均不應該超過175元，「寬頻同水、電、煤冇分別，係基本需要，收費要合理，客人要負擔得起，呢啲嘢係同每個家庭息息相關……作為一間公司，賺錢要過得人、過得自己，唔可以賺到盡，尤其係我哋做生活必需品，你係要好負責任！」員工如此「倒米」，大老闆點睇？楊主光稱，CVC入主後對公司首年業務表現感滿意，每月只開一次會，業務營運完全放手讓管理層發揮。
今時今日的老闆發夢都想削減成本，楊主光亦不例外，「我覺得幾時都有（減成本）空間，同事都認為啲嘢可以再simple（簡單）啲，多啲automation（自動化）……加大生產力。」楊主光還指，寬頻月費仍有得減，「如果能夠喺營運上做到成本減省，會轉嫁畀客戶，可能收低啲（月費）都得，或者同樣價錢提供多啲服務。」
減價有助搶客，楊主光說，過去九個月香港寬頻的上客跑贏大市，目標2016年客數由65萬升至100萬，取代香港電訊（6823）成為一哥。
楊主光同時希望同事的生活可以更平衡，香港寬頻易手後改善了員工福利，增加員工年假、中秋及冬至等大節日提早半日收工、每個月有一個星期五提早兩小時下班等，「今時今日仲有部份公司，我覺得好離譜，仲唔行五天工作……休息又好、進修又好……推動同事work-life balance！」
楊主光指旗下員工上班時間減少，但上客卻增加，「我諗其他公司要學。」看來受惠的，不單止是香港寬頻用戶，還包括集團2,000多名的員工。

楊主光個人履歷簡介

                  1986至1989年：督察
1989至1996年：先後於其士集團、得信佳等電訊公司任職
1996至2005年：效力數碼通，離職前為客戶部總監
2005至2008年：香港寬頻營運總監
2008年至今：香港寬頻行政總裁及執行董事                                                        

---

2 : GS(14)@2013-05-01 16:43:20

http://hk.apple.nextmedia.com/financeestate/art/20130501/18245661
【兄弟篇】
談到楊主光及香港寬頻，一定會聯想到香港寬頻創辦人王維基（Ricky）。楊主光之所以做到香港寬頻的老闆之一，全賴王維基當年用了兩餐飯時間遊說他過檔，楊主光更驚爆對王維基「賣仔」決定不意外。
楊主光與王維基當年是民生書院的「同學仔」，前者文、後者理，本應是各行各路，但因為電訊業令他們再次相遇。「讀書後都冇聯絡，係Ricky喺加拿大返嚟搞城電變咗同行，先一年見一、兩次。」後來楊主光開始覺得悶想轉行，適逢王維基物色人選替他主理香港寬頻日常的運作，得以抽身發展新事業，結果兩人只吃過兩餐飯便一拍即合，「佢更講過長遠計，我係佢接班人。」結果楊主光用了三年時間，由香港寬頻的營運總監升為行政總裁。
自從楊主光於2005年加盟，王維基投放於香港寬頻的時間的確明顯減少，「佢話到明會放手……咁佢先有時間搞新嘢。」楊主光口中的「新嘢」相信就是指電視業務，他表示，王維基五年前已有構想搞免費電視，到2009年正式向政府申請免費電視牌照，直至2012年更將一手「湊大」的香港寬頻售予CVC。當日王維基「賣仔」為市場帶來極大震撼，但對於相識數十載的「老同學」來說，楊主光並不意外：「我冇排除過佢『賣仔』可能。」

---

3 : GS(14)@2013-05-01 16:43:30

http://hk.apple.nextmedia.com/financeestate/art/20130501/18245665


【生活篇】
楊主光在電訊業打滾了廿多年，但原來之前他曾經當過三年督察，而當年選擇當督察的其中一個主要原因是人工高，但如今問他退休後有何目標，答案是遊學，讀書加旅行，是多麼令人嚮往的退休生活。
曾當督察　嫌悶轉行

一向有云：「好仔唔當差」，在大學唸歷史的楊主光本屬文科仔一名，何解走去當差，人工高是原因之一，「我讀浸會，當年畢業出嚟嘅係港大同中大嘅七折，但做督察人工8,100元，少港大畢業生300元。」
結果，三年的警察生涯悶壞了楊主光，送他走上CEO之路。
已經年過半百的楊主光目前未有確實的退休時間表，但已想好退休後去遊學，繼續進修歷史，「今日呢個世界，人與人之間、國與國之間太多磨擦，如果可以多啲理解歷史、尊重歷史，睇嘢會更加通透。」

---

4 : greatsoup38(830)@2013-05-01 23:50:49

講起香港寬頻，成日續約一年前已經都騷擾我，每次都是打電話鬧臭，扮唔理他們至有得減，下次可唔可以唔好咁煩呢

---

5 : greatsoup38(830)@2013-05-01 23:51:48

仲有一次，因為我搞緊個網的程式，唔知是咪因為呢個原因去唔到呢個網，我叫香港寬頻睇睇，他們回覆都唔錯，之後幫我搞番好，唔該晒他們

---