主播心聞：我要Lifestyle！ 梁心欣
1 :
GS(14)@2013-03-04 23:10:00http://www.sharpdaily.hk/article/fin/20130304/178701
上週五大市都未開就收到WhatsApp：「想問1212得唔得？」我答：「未睇圖同盤路，畀少少時間我。」結果開市後一個鐘，我撲槌同呢位朋友講：得，炒業績之餘兼且貨干，去馬！人人睇住滙控（005）同恆生（011）業績，邊有人得閒睇利福（1212），隨時殺出一條血路。唔知點解，睇零售股表現，覺得實地視察定必睇得準啲！進入網購時代，我班姊妹已日日上網買衫，部份為人婦嘅仲連日用品都唔放過。不過，本港唯一一個購物熱─崇光感謝日，永遠令佢哋覺得唔去會執輸咁，點都捧住一堆戰利品返歸。仲知我行唔開，日日打嚟話幫我買埋，結果我荷包都出唔少血。近期，講得最多嘅英文字，一定系Lifestyle！先多謝財爺嘅中產論幫手免費宣傳，相信3月份利福唔使宣傳都大把人識，尤其自由行，既然咁紅，就炒爆佢份業績！