傳逼婚不遂 張振朗獻殷勤陳瀅猷亨陷冷靜期
1 :
GS(14)@2016-07-14 08:09:47■陳瀅被指因為來自破碎家庭，所以想早日結婚組織家庭。資料圖片
賭王何鴻燊與四太梁安琪所生的長子何猷亨，去年戀上大台小花、「宅男女神」陳瀅，二人相戀半年多，起初熱戀甜蜜蜜，陳瀅得到四太開綠燈融入家中，更獲加持齊齊去睇麥當娜演唱會，有望做賭王新抱仔。不過近月已沒見二人糖黐豆拍拖，昨日有報道指猷亨兩個月前已主動跟陳瀅分手，女方力挽狂瀾想箍煲但不果。近日更有指她與大台藝人張振朗因拍劇合演夫婦而熟絡，張振朗雖已有女友，但知道陳瀅甩拖即獻殷勤，撐枱腳食早餐又送消夜。有指分手原因是26歲的陳瀅與細她3歲的猷亨拍了拖幾個月，已主動逼婚，又愛管男友，皆因她來自破碎家庭，她疼錫的外婆年紀大，故想早點結婚組織家庭生B。而猷亨忙於打理家族生意，經常澳門及香港周圍飛，故二人已確實進入冷靜期，而陳瀅亦努力箍煲中
■何猷亨與陳瀅熱戀時，2月曾糖黐豆去嘉年華玩掟公仔。
■陳瀅曾跟四太一家去睇麥當娜演唱會，新抱仔地位獲肯定。資料圖片
■張振朗早前和陳瀅合演夫婦，被指拍劇後依然向女方大獻殷勤。資料圖片
屋企人最緊要
問到分手一事，身在加拿大的陳瀅昨日透過經理人以短訊回應：「我嘅感情事就唔係好像報道一樣咁講，只係想低調點，可能因為我少提到感情令大家有揣測，而現時我們都處於工作搏殺期，大家都是成年人有共識專注工作，我而家喺加拿大的婆婆身體都有少少好轉，我覺得現時最重要的係屋企人。」本報昨日曾致電猷亨，他表示忙開會，截稿前未有回覆。
讚拍檔有風度
另外，陳瀅表示與張振朗只是同事關係，大讚他gentleman及好拍檔，而張振朗亦否認追對方：「吓？唔係，唔好玩啦！」問他是否拍完劇依然以老公老婆相稱，他說：「我未睇新聞，睇咗先講啦！」採訪：唐心悠
來源:
http://hk.apple.nextmedia.com/entertainment/art/20160714/19693472
單挑賭王仔 張振朗攬錫陳瀅
1 :
GS(14)@2016-08-03 02:19:382016-07-20 HJ
「宅男女神」陳瀅去年底大方承認與賭王何鴻燊四房公子何猷亨撻着，戀情一直備受看好，四太梁安琪更罕有地公開讚她靚女兼大開綠燈，嫁入豪門在望。
但近日前卻有傳兩人已分手兩個月，大台小生張振朗即乘拍劇之便攝位力追，日前他倆在中環拍攝一場貼身舞戲份，張振朗又攬又錫，擺明向賭王子挑戰。
成個反轉
陳瀅與何猷亨熱戀半年，灰姑娘童話令不少人為之羨慕，原以為「坐定粒六」做豪門少奶奶之際，卻傳出她因太黐身及逼婚，兩個月前已被猷亨狠撇，不過女神不愁寂寞，隨即獲新劇拍檔張振朗出招狂冧，不但三餐照顧周到，還人前人後都以「老婆」相稱。日前，兩人在中環碼頭為新劇《全職沒女》拍攝一場跳舞戲，隨着現場播的勁歌節奏，他倆自動波地胸貼胸共舞，大汗疊細汗都冇介意。
兩個跳到㷫烚烚，張振朗開始作高難度挑戰，突然雙手攬實陳瀅的纖腰奮力一拋，她即時離地彈起至三呎高，繼而又作「風火輪」般，將她垂直反轉再反轉。雖然動作驚險，但她對對方信心十足，整個人交由他任舞。事後見男方成頭大汗，陳瀅更貼心地為他抹乾，好不細心。
劃清界線
與張振朗玩到貼晒身，不過陳瀅強調冇過電，「我同張振朗喺劇入面係飾演情侶，所以有好多對手戲。佢份人好gentlemen，係個好拍檔。」至於跟何猷亨依然情未變，她更甜絲絲大讚男友：「我鍾意佢都係因為佢勤力」，還說：「我嘅感情事唔係報道咁講，係我想低調啲。??家我哋都處於工作搏殺期，大家都係成年人，有共識專注工作。」女神封路，張振朗也攞女友陳芷尤當擋箭牌，「我掹車邊都掹唔到啦，我哋只係同事關係，從來都無叫過佢做『老婆』，反而聽過佢叫何雁詩做『老公』。我亦無背住女朋友同佢發展，唔驚佢誤會。」始終今次對手太強，張振朗單挑失敗也合理。
攬腰
張振朗出盡力把陳瀅整個人反轉，陳瀅頭面向地，四腳朝天時不慎露肉人前。
錫面
二人互攬胸貼胸，張振朗還親吻她的額頭。
陳瀅跟張振朗日前大跳貼身舞，男方出力攬實陳瀅的纖腰fing 來fing去，表現親暱。
陳瀅戀上何猷亨後，今年二月拍拖睇麥當娜演唱會，大方公開戀情，但半年不到竟傳出「分訊」。
有傳張振朗拍劇期間向陳瀅大獻殷勤，當日兩人手牽手甜蜜轉圈，不時眉來眼去。
陳瀅主動攬着張振朗，被胸壓的他一臉受落。
張振朗扶着陳瀅的腰，大力抬起，小心翼翼護着女方。
陳瀅細心地拿紙巾幫張振朗抹汗，他難掩笑意，甜到入心。
陳瀅與陳松伶、張兆輝等合照，冇份影的張振朗企在一旁實陳瀅。
張振朗返回座位開餐，陳瀅才安心進食。
陳瀅與張振朗連食飯都要黐埋一齊，小女孩在劇中是陳瀅的女兒，「一家三口」同枱，十分溫馨。
另一日在電視城開廠，放飯期間，張振朗被成班小演員圍到實，陳瀅則貼心地幫他霸定位。
撰文、採訪 娛樂組
攝影 梁比利
設計 林文俊
34C新咪神陪食張振朗拍拖喪撩鼻
1 :
GS(14)@2017-02-05 10:39:40【開餐】■張振朗日前與新咪神陳芷尤食雞煲撐枱腳。
【灣仔】張振朗因為拍無綫處境劇《愛．回家》，撻着34C新咪神陳芷尤，二人拍拖兼同居幾乎不是秘密。不過，無綫正值小生荒，上位在即的張振朗對感情事都不敢高調，日前被本報撞正甜蜜拍拖食雞煲，但都只認是好朋友。
【抹鼻】■張振朗不停撩鼻，最初用紙巾，後來用手指直接撩（右圖）。DV圖片
【採礦】
坐女友名車
張振朗與陳芷尤同於第25期訓練班畢業，有傳二人大前年已拍拖，只是男方不時有緋聞，包括陳瀅及龔嘉欣等。當日黃昏6時多，張振朗於灣仔海旁收工後，陳芷尤便做柴可夫駕寶馬名車接他收工，出發去上環覓食，但兜了一會，最後又折返灣仔食雞煲。今時今日，天王天后都大方公開戀情，惟張振朗由落車到入食肆，全程保持高度警戒，一先一後行，在門外等位時更一直扮不認識，直至入座，女友去了廁所，張振朗便拿出手機不停篤，其間不時「放蚊」一臉疲態，但最不衞生是他用手指撩鼻後又摸面。
■未知是否怕被認出，原本張振朗與陳芷尤黐住行，但又突然彈開。
■陳芷尤擁34C上圍，是無綫新一代咪神。資料圖片
食完扮唔識
離開時有店員通知他門外有記者，二人出門口時更是零交流。事後張振朗回覆傳媒稱：「當日係咁啱喺附近做嘢，咪約埋一齊食飯囉！哈哈！因為行錯路咪所以去咗第二度再返嚟灣仔囉！」問他們是否拍拖？張振朗還是不承認：「好朋友約食飯箒！」採訪、攝影：梁繼光
來源:
http://hk.apple.nextmedia.com/entertainment/art/20170203/19915879
張振朗被稱大台花王陳瀅龔嘉欣都中過招
1 :
GS(14)@2017-02-05 10:39:40「翻版Cool魔」張振朗近年被大台力捧，雖然喺《愛．回家2》擔正，不過都未係算一線，所以佢避忌講起同34C陳芷尤嘅感情事，就算次被影到都否認；當然陳芷尤都係統一口徑話：「張振朗未係我男友。」不過講番轉頭，其實張振朗喺大台有個「大台花王」嘅朵，點解？皆因佢由入訓練班開始好有女人緣。有傳張振朗仲喺訓練班嗰陣被指似黃宗澤，得女高層曾勵珍、余詠珊歡心，所以《愛．回家2》就畀位佢上。除咗得女高層歡心，張振朗喺拍劇嗰陣同對手傳過緋聞。有傳佢同陳瀅拍劇時過電，因為當時撞啱陳瀅被猷亨飛甩，所以「花王」就乘虛而入，大獻殷勤。到《愛．回家2》入面，張振朗同龔嘉欣差唔集集都孖公仔現身，而且仲有咀嘴戲份，唔知係咪啜出感情，有傳龔嘉欣刻意等埋對方先收工，喺社交網絡上面成日「晒恩愛」，激到正印陳芷尤忍唔住，要喺上年東華籌款上演一場「天若有情」宣示主權呀。
來源:
http://hk.apple.nextmedia.com/entertainment/art/20170203/19916811
張振朗：同蔡思貝係兄弟
1 :
GS(14)@2017-02-08 22:31:37■蔡思貝傳與張振朗在片場玩到癲。資料圖片
蔡思貝跟「舞指」麥秋成結束兩年情後表面上寄情工作，但昨日有報道指她拍新劇《踩過界》期間又重施故技，向同劇的男演員發功，今次男主角是早前被本報拍到現年29歲兼有一個「咪神」女友陳芷尤的張振朗。
張振朗
報道指蔡思貝和張振朗由開工到收工都儼如糖黐豆，又經常在片場眉來眼去，一有空檔就一齊玩到癲，又指蔡思貝似乎跟麥秋成分手後已完全康復，更可迅速啟動發電機，向身邊男性發出強勁電力。未知張振朗的緋聞女友陳芷尤又有何感受呢！昨日張振朗就該報道回覆傳媒，他說：「唔係報道咁寫，我同佢（蔡思貝）都冇嘢，就好似兄弟咁。」採訪：非非
來源:
http://hk.apple.nextmedia.com/entertainment/art/20170208/19920917
借張振朗過橋謝東閔硬撬新咪神朱智賢
1 :
GS(14)@2017-02-12 15:39:532017-02-02 NM
憑33C、23、35弗爆身材加43吋長腿，29歲的大台新咪神朱智賢（Ashley）仲有大把貨，成為網民「今期流行」。因為索，所以多人追，就算早有餐廳老闆男友，「巨星幫」謝東閔依然硬去馬，照追。為奪咪神，謝東閔借張振朗和女友陳芷尤過橋，double date兩啤人一齊玩，結果斷正。有老闆男友
一三年落選港姐朱智賢，因為在旅遊節目《3日2夜》晒泳裝獲封大台新一代咪神！有指她與謝東閔雖分別到不同地方拍節目《天與地》外景，但宣傳密密見，已搞到男方嗒晒糖。「閔大人（謝東閔）同『巨聲』師姐何雁詩分手之後曾經同個圈外女仔拍拖，而家佢對Ashley（朱智賢）好有好感，就算人哋有個係中環Lobster Central餐廳老闆之一嘅男友，佢都覺得自己有得爭，因為佢屋企環境都幾好，爹哋開髮型屋，媽咪就搞外傭介紹所，自己都喺美孚開按摩店。少爺仔性格囉！閔大人知Ashley同張振朗，仲有佢女友Apple（陳芷尤）熟，就搵佢哋約Ashley去街。」知情者說。
攝位咬耳仔
月前謝東閔終於搭通天地線，約女神去中環嘉年華玩，張振朗和陳芷尤更帶埋一小女孩同行。玩攤位遊戲時，朱智賢幫張振朗打氣，謝東閔未及上前埋身，惟有在後做癡漢，默默望住他的女神背影和幫手拎戰利品。之後行去玩另外一個攤位遊戲，謝東閔一於死跟，更把握機會攝上前跟女神咬耳仔。據知，朱智賢和搞飲食的男友已秘密拍拖兩年，去年初餐廳開張，她更以女主人身份現身支持。雙方感情穩定，男友對做藝人的朱智賢亦十分體諒，甚至接受女友性感演出。凡事你情我願，要硬撬朱智賢，謝東閔冇咁易！
撰文、攝影、攝錄：娛樂組
張振朗 繼續呵護蔡思貝
1 :
GS(14)@2017-03-05 23:02:582017-02-22 EW
早前，蔡思貝被指慘遭排舞師男友麥秋成狠飛；跟住，佢就被拍到狂放電，姣擒新劇拍檔張振朗療情傷。不過，近日又有指蔡思貝同麥秋成復合，兩個仲秘密搬到西貢南圍嘅村屋同居，之但係麥秋成轉頭又畀雜誌影到，陪索女到銅鑼灣烤肉兩粒鐘，感情七國咁亂，東姑真係畀佢哋搞到暈陀陀。
日前，蔡思貝、張振朗、王浩信、李佳芯同林韋辰，一齊到西營盤為《踩過界》拍外景。當晚，蔡思貝拍攝前先做咗一陣嘅拉筋動作，原來佢要踩住三吋斗零踭，拎起支棒球棍，喺條斜路來回喪跑拍攝，隨後又要瞓喺地下，其餘演員就圍埋去，大叫：「頂住先！」作安慰。呢場戲前後都拍咗成三粒鐘，可能佢因為太耐冇做運動，竟然跑到腳震震。
東姑見蔡思貝跑完一輪之後，張振朗就挺身而出，行埋去幫佢整咪，關懷備至！如果與麥秋成復合唔成，又會唔會考慮下張振朗呢？拍攝後，蔡思貝就同東姑講，佢同張振朗冇機會發展，又話佢哋喺戲入面嘅關係，就好似洪永城同黃翠如，所以好易被誤會友情係姣情喎。佢更話：「假如我同張振朗嘅話，我會變成男人，完全冇可能！其實，電力同友善只係一線之差。」聽到東姑一嚿雲，不過最緊要都係麥秋成明白啫。
撰文☆東姑 設計☆美術組
陳瀅床戰張振朗嗌拮腳
1 :
GS(14)@2017-05-07 15:26:26■陳瀅（右）前晚和張振朗（左）及張兆輝睇大結局。
陳瀅前晚到尖沙嘴出席劇集《全職沒女》大結局飯局，她在劇中除濕身色誘張振朗外，二人更有一場床戲，陳瀅覺得拍床戲比影全裸寫真緊張，更投訴張振朗太多毛：「有場床戲係佢同我嘅腳搭埋一齊，好sweet咁，所以我feel到佢嘅腳毛好拮。」問到會否驚蝕底？她說：「始終都會避忌，費事太過親密。」張兆輝在電話表示好滿意結局：「我對呢個劇本好有信心，好鍾意角色同故事好完整，好多時能拍到劇本寫嘅要求。」陳松伶則說：「我唔排除會有拍續集嘅可能性，成個團隊合作得好開心，真係好唔捨得。」採訪：嵐山
來源:
http://hk.apple.nextmedia.com/entertainment/art/20170507/20013024
張振朗拖女友歐遊認戀情
1 :
GS(14)@2017-05-27 08:54:27■張振朗與女友在荷蘭放下戒備，陳芷尤蹺實男友手行街。讀者提供圖片
【爆相爆片】現年29歲的張振朗，多次被影到跟34D陳芷尤拍拖，死口不認。直至本月22日被《蘋果》讀者梁小姐透過《爆相爆片》，分享在荷蘭阿姆斯特丹見到張振朗及陳芷尤拍拖，梁小姐表示：「當日見到張振朗同陳芷尤喺當地市中心搵嘢食，由於四周都係外國人，二人放下戒備，陳芷尤仲蹺實男友手，喺一間餐廳門口睇menu。」梁小姐續謂：「見到佢哋已經夜晚7點，兩個都係着住情侶牛仔裝。佢哋應該打算搵餐廳食晚飯，見佢兩個買咗好多嘢，男仔就負責拎幾袋戰利品。」對於拍拖歐遊一事，張振朗回覆傳媒時默認：「多謝關心，我哋玩得好開心。」採訪：非非
來源:
http://hk.apple.nextmedia.com/entertainment/art/20170527/20035016
《踩過界》派彩蛋埋伏線？張振朗：諗到乜嘢就乜嘢
1 :
GS(14)@2017-08-17 08:09:44無綫同愛奇藝嘅合拍劇《踩過界》嘅第二季，喺今個月初首播，因為喺內地可以一次過睇晒14集嘅關係，所以喺唔少橋段同結局一早已經穿晒。雖然有唔少觀眾覺得王浩信同朱千雪唔可以再續前緣而感到可惜，亦有人覺得張振朗難得收服咗「夜蒲女王」李佳芯，可惜李佳芯都係被單立文推落山崖，死得可憐。之不過有啲嘢，變幻原是永恒，日前喺愛奇藝上載咗一段短片，聲稱係結局彩蛋驚喜曝光神秘人回歸，話說係王浩信、張振朗同蔡思貝坐喺中環終審法院大樓，先後諗起朱千雪同李佳芯，點知話口未完，李佳芯喺人群中出現，四個人重遇再結伴而行，有網民估唔知係咪舖路拍續集，甚至可能兩個結局。但係近年喺內地劇集，又或者荷李活嘅電影，都會喺片頭片尾派蛋，目的都係送俾觀眾一個驚喜，所以亦有呢個可能性。張振朗接受傳媒訪問，講到彩蛋事件：「雖然我自己都好想拍續集，真係好好玩，但係嗰段片唔係舖路拍續集，亦都唔係第二個結局，唔關事。其實可以話係一個open ending，俾一個空間大家去諗，你諗到乜嘢就乜嘢！」但係根據過往經驗，好以喺第一季許家傑同蔣家旻嗰場禁錮戲，始終香港同內地尺度唔同，有啲鏡頭會作出刪剪，所以呢套劇亦都預告咗香港版同內地版會有啲出入，結局亦未必一樣。
來源:
http://hk.apple.nextmedia.com/entertainment/art/20170817/20123595
Next Page