📖 ZKIZ Archives

周日名牌： 八珍掌門伍錦康　退休之年革新老店

1 : GS(14)@2011-04-10 21:13:00

http://hk.apple.nextmedia.com/te ... 307&art_id=15153372



「紅雞蛋豬腳薑，八珍甜醋份外香」， 30過外的，對這廣告歌都應耳熟能詳。「八珍」明年踏入 80周年，董事經理伍錦康亦近 70歲，並未言老，接棒 16年，銳意將集團年輕化，目的是希望集團與時並進，再走更遠的路，「改革係一條用時間去改變嘅漫長道路。」
記者：黃碧珊　攝影：羅君豪
部份相片由受訪者提供
八珍甜醋創辦人伍森， 1932年在旺角售賣食品雜貨，「八珍」取自《四書》、《五經》中「百醬八珍」，寓意產品用料珍貴，品質超凡。「細個時，每個星期六、星期日，一家大細喺工場度過。」伍錦康小時候把爸爸的工場當作遊樂場，四處亂跑甚至打破醬油缸。
90年代初，一直協助父親的弟弟移民，從事機械工程的長子伍錦康，順理成章接棒家族生意，當時他 54歲，已屆退休年齡。不過，拼搏精神未隨年齡老去，接棒後，伍錦康銳意為集團添活力，「傳統甜醋、醬油係阿媽先用，咁唔係長久嘅好辦法，希望將品牌變得年輕化。
即食 麪悟出新醬料
放大圖片



年輕人貪方便，下廚只會煮即食麪，伍錦康說，「我自己都有整麪食，會將唔同醬撈埋起嚟。」亦因此引發他以傳統醬油配合不同配料，創出各類醬料，「我幫你搞好，唔使自己溝，配合快餐文化。」八珍產品種類由 90年代初約 10餘款，增至現時逾 70款，「唔係樣樣味都受歡迎，總有啲只得部份人接受，不過只要有市場、有利潤就可以繼續做。」
除增加產品選擇，亦提升服務範疇，「我幫你煲醋係增值服務」。中國傳統添丁會煲薑醋，作孕婦產後調補及饋贈親友。不過製作薑醋，產前一個月便要準備，現代家庭每由外人代勞，「好似近年有公眾人物個孫出世，都係我哋幫佢煲醋。其實佢個仔出世時，已經嚟訂豬腳薑。有啲達官貴人都會咁做，以前只幫熟客做。」

代煲薑醋首創禮券


代煲薑醋其後更演變成薑醋禮券，「豬腳薑要保持新鮮，熱辣辣先好食，拎返公司可能遇着同事飽，食唔落，家用禮券代替。」商場如戰場，伍錦康新創的薑醋禮券推出市場不久，其他食肆亦相繼推出，「唔怕競爭，有啲用我哋嘅醋嚟做，標『八珍』個名可以賣貴啲。」
傳統行業不甘後人，最近八珍在將軍澳的廠房剛落成，此外，除傳統醬油、小食，近年更開拓有機健康食品業務。既然在行內已有一定地位，生意亦一直平穩增長，哪為甚麼要創新？「只係改革，按市場營商環境跟隨潮流改變。改革係一條用時間去改變嘅漫長道路。」

八珍簡史
1932　旺角開設首間八珍，以銷售食品雜貨為主，並設有廠房
1950　廠房由旺角遷往葵涌
1965　廠房由葵涌遷往西貢
1995　伍錦康任董事經理
1997　國內設廠及銷售
2001　推出代客煲薑醋服務
2005　擴展零售渠道至部份超市
2007　提供網上訂購服務
2008　推出薑醋券
2011　將軍澳新廠房落成

付出與收穫難成正比



「對生意無特別感受，只覺得返工好忙，我無刻意諗會做，讀書時迷工程。」伍錦康在英國攻讀機械工程，回港後當機械工程師，直至接手家族生意。
食品零售與機械工程，是風馬牛不相及的行業，但伍錦康說，「做工程係保守，要諗好多假設、危機處理，第一份工嘅工作經驗，畀到我計劃同人事處理技巧，可以家應用。」
退休之齡才接手家族生意，萬事起頭難，伍錦康卻認為，工作經驗是其次，最重要是分析能力，「大學學嘅思維邏輯、系統處理訓練，對任何工作都重要。」

享受滿足感未言退休
當了 16年「掌門人」，伍錦康說，「體驗付出與收穫有機會唔成正比，以前好多嘢會受到限制，家可以自己話事，發揮程度高，滿足感多啲。」做了兩份不同性質的工作，可有退休計劃？「未諗，過多一、兩年再算。仔女各有各忙，個仔做緊工程。」至於伍錦康的女兒，是財經事務及庫務局政治助理伍潔鏇。

拓海外市場忽略香港有因
放大圖片

甜醋的廣告歌曾被播放至街知巷聞。


90年代前，八珍只注重本地市場，未有在海外推廣，在外地出現不少劣質冒牌貨，「初時無留意，因為海外銷售唔多，啲客要自己查買嘅係唔係真貨有困難，有問題就搵我哋投訴。」

聘專家杜絕冒牌貨



為保品牌形象，伍錦康找專業公司，花近 6年時間，在美、加、澳洲等地進行調查及法律程序，杜絕冒牌貨。
此外，他又增加防偽包裝，解決冒牌貨問題，並加強海外宣傳，現時美國、加拿大、澳洲、英國、歐洲及亞洲等地均有銷售點。
中國同胞消費力提高， 90年代末八珍在東莞設廠，供國內銷售。不過，內地醬油品牌眾多，開拓業務初期的分銷渠道未完善，「國內地區遼闊，運輸是一大難題，以前超市唔發達，唔知搵邊個做銷售點。」伍錦康由近到遠，「先喺廣東企穩陣腳，再慢慢『輻射』開去。」並以較大路貨品，如豉油、蠔油及米醋等，主攻高價市場，現在於上海部份高檔超市亦有八珍醬油出售。

從近到遠入神州
海外銷售點增加，相反在港不少大型超市卻不易找到八珍醬油，「一般超市形象同我哋產品唔係好配合」，故貨品僅在數間專門店、部份高檔超市，或網站出售。

【後記】


八珍以甜醋醬油出名，但以食品雜貨起家，故每年均有年糕、糉、月餅等時令食品。伍錦康回想小時亦有在工場幫手做油角。其中不少時令食品均配上八珍自家製作的醬油，如福建糉便是以自製頭抽烹調，伍錦康說：「用番自己材料，個形象強啲，食落即刻諗番我哋頭抽，事半功倍。」

---