http://accountboyhk.mysinablog.com/index.php?op=ViewArticle&articleId=280678
成日有人話佢係獨市生意，究竟係咪?
首先解下咩叫獨市，獨市即係在間公司operate 既市場上, customer 只可幫襯佢，別無選擇。由於唔怕係唔幫襯, 有好大定價能力，可以賣得好貴, 總之以maximize profit 為大前提，通常都係賣得好貴，好似煤氣就係最典型既monopoly. 國泰同港龍都係幫襯#44，依個係肯定既，不過#44 唔係淨係做佢地生意，跟據2006 interim report note 15, HAECO HK + TAECO’s sales to CX = 621m,即係對佢地既sales 既32%，條數冇計HAESL，因為佢係associate。淨番個68%, 係要同其他航空維修公司競爭的。 2005 AR P15話HAESL 主要客戶為CX, KA, Emirates 同Royce Rolls, 斷估HAECO 同TAECO 都係差唔多掛。 可以想像到既係, 航空維修業唔係only price competition, 第一係鬥cert, 間航空公司要飛果道, 你冇果個國家既cert就即刻rule out。 第二鬥安全, 整完都係唔掂整黎做咩, 航空公司一唔安全, 機票個價就唔同哂, 華航就係好例子。第三係鬥價錢，第四係鬥速度, 如果起貨快, 維修費貴d 可能都抵。有時如果有production bottleneck, 我估會有好多subcontract 既情況出現, 因為唔可以為左兩件貨仔推遲出廠日。 HAECO 個site 話今年renewal 既airlines 有 Swiss, UPS, Valueair, Ocean, Continental, Turkish, Qatar, Hainan, South African, New Zealand, Lufthansa, Eva, Fin, Thai….. 依道好多間個size 都同CX 差唔多，但好明顯唔係間間都主要幫襯#44, 唔係每間x 30%，#44 個sales 就係宜家既n 倍了。 Aero Cert 我唔識，價錢速度我都唔知佢同人比時係點, 但係安全方面, 睇唔到佢比其他維修商好。起碼係依個website 唔見CX 既 accident rate 低過其他航空公司。http://www.airsafe.com/airline.htm Price setting 既能力呢? 坦白講，航空公司深受油價上升影響，我覺得加價好難, 因為神早簽哂contract，同埋如果加到價capacity就唔會爆成咁，唔好話獨市，係個world market 入面, 真係唔見佢有特別既競爭優勢，所謂獨市，只係分析員見佢做d 野咁專, 冇做功課吹出黎既概念。 或者咁講, #44 60%係增長股, 40% 係週期股, 但市場上既馬評人式財演冇人睇到佢既巨額aero part trading profit 同金屬價格下跌對佢既風險, 將成隻#44 assign左增長股既PE, 仲要亂比個獨市概念佢。 剛才用左好多篇幅講佢既material sales, 應該主要係HAESL buys from Royce Rolls, sells to airlines 既 material sales. Rolls Royce 係真正既monopoly (老虎), #44 只係狐假虎威，當老虎開天殺價或加價時，狐狸亦可撈d 油水，老虎唔掂時，狐狸亦會衰埋一份。不過，好在依隻狐狸同隻老虎結埋婚生埋仔，狐假虎威既關係在可見將來都唔會改變。 時間關係，寫住一半先，有時間再寫，今期寫左好多HAESL，下期寫番多d TAECO，畢竟大家應該對大陸市場有興趣d.