📖 ZKIZ Archives

應anan兄既要求, 我將3331既2010年既中期業績同大家分享一下:

1) 中期每股盈利為$0.219 per share, 假設下半年業績與上半年持平至增長10%計, 全年計PE ratio 約為17-18. 以一間穩步增長(非快速增長)既公司而言, PE ratio 算是處於合理水平, 但不算超價

2) 中期股息增加10% 至 0.033, 假設末期息同樣增加10% 至0.099....全年利息為 0.132, 現價7.93計股息比率為1.7%, 相對並不算高

3) 公司盈利上升主要是由於營業額增長而推動 (上升25%), 整體毛利率變化不大. 但selling and marketing expenses 與上年度同期差不多上升1倍 (由$97.7m 升而 $189.2m), 相信是由於工資及廣告等成本上漲而影響. 因為升幅遠超過營業額的增長. 而預期相關的成本開支會隨著經濟復甦而繼續上升, 該部份有可能對往後業績有重大負面影響

4) 有點奇怪的地方, finance cost 相對上年度大幅減少, 但整體借貸卻比上年度多. 據我所知, 2010 上半年的息率應該比2009年同期高, 所以finance cost 應該只會有多冇少. 不過冇論如何, 間公司有一定比率既借款, finance cost 於往後年度會繼續上升

5) 公司對營運資金的需求頗高, 以報告內的現金數目有點不足, 不過其公司於之後以$9.5 配售了三千多萬股.....net proceed 有二千幾萬, 所以現在的問題應該不大

6) 除左存貨比例偏高 (可能係行業慣例) 之外, 其他負債表內的項目相對簡單. 無形資產的數目亦不大, 所以問題應該不大

綜觀整份報告, 我覺得公司既增長可以接受, 現價來計不算貴, 但仍唔可以叫做平

值得令人憂慮既係佢既selling and marketing expenses 控制得唔係太好.....年底既業績有可能及唔上上半年度.....不過之前佢係十幾蚊跌到而家, 我估再下跌空間都有限

可以趁年尾業績前搏佢上番配股價 (i.e. $9.5) 個位, 不過長線投資價格似乎一般

由於各國政府都大力提倡環保節能, 而中國亦有大量既支持同補貼, 所以好多投資者都對環保相關股份有好大既興趣. 可惜有唔少公司都係掛住個名, 搞下收購去推動股價, 真正有穩定盈利貢獻既公司係少之及少.....而當中, 我較關注既係257, 之前已經睇過佢既2009 資料, 而家就UPDATE 下佢2010 既年報先 (下面係條LINK, 可以去睇番原文):

http://www.hkexnews.hk/listedco/listconews/sehk/20110314/LTN20110314552_C.pdf

1) 係第十五頁可以睇到turnover 既詳細分佈. 大家可以見到, 佢地既construction project 係佔左營業額大部份....而持續營運既收入 ($663M) 只係整體 ($2,780M) 既四分之一左右......而當中能源項目建做既增幅 (2010: $1,360M VS 2009: $268M) 亦係重點既盈利增長所左.....由於現時環保行業仍處於高增長既階段, 所以幾年內建設部份都應該唔會太差........不過當飽和之後, operation 部份就會成為主流.....雖然呢部份見唔到爆炸性既增長....不過睇落都幾穩定既growth (可參考26頁既數據表現), 可以接受

2) 係第二十頁, 可以睇到現時各個項目既發展進度, 可以睇到個表下方有幾個項目都係係2010 年先正式開始, 所以之後幾年既能源項目建做都應該有一定既保證, 由於時間所限無逐個分析, 不過大家有興趣可以睇下footnote, 再配合第77頁既發展去對比一下

3) 係第108頁既income statement,  可以睇到佢既GP ratio 都KEEP 得幾好, 而行政費用既增長 (對比起營業額增長) 都唔算過份......由於冇咩特殊項目 (應佔associate 同 proprerty valuation gain 對盤數影響唔大).....睇落去幾stable.....其實2009年時我都覺得佢幾stable, 而家都保持住, 唔錯

4) 係110 頁既balance sheet, 相比起上一年度就冇咁穩健啦, 可能由於要發展既關切, 現金少左6 億, 但係長期負債就多左八億.....主要既資產增長都係來自long term receivables from contract work.....雖然佢仲有13億係手, 不過如果投資項目不斷加大而回水回唔切, 有可能需要集資而對股價有影響 (負面機會較大), 不過應該唔會係一年內發生, 可以等下份interm report 再update

5) 第116頁既CASHFLOW 同我睇balance sheet 得到既結論差唔多, contract work receivables 多左而令到operating cash 有問題, 所以要遲下再update

6) 係附註19可以睇到應收款既賬齡分析, 雖然有一部份已經到期一段時間, 不過入面都寫面大部份係大陸政府部門欠既.......一定係有拖冇欠.......幾時還就真係睇公司同政府既關係......同上年同期比有好大進步, 應該OK 既

7) 附註20 係關於contract work receivables 既部份, 佢地全部都未到期, 而2010年同2009年auditor 都認為冇必要做provision, 所以未見到有問題住

因為要出街食飯, 暫時分析到呢到.....我記得大股東前排係3.34 左右增持過.......對上一次佢跌到$2.7X左右就回穩左, 而家係$3.0 左右整固, 雖然PE唔算低, 不過以行業背景睇, 現價不失為一個投資機會, 唯一要係下一次業績公告要留意係 - 1) 現金減少情況有冇嚴重左, 2) 果D receivables 有冇壞賬出現, 3) 有冇好大既投資項目出現左

最近呢個星期最受矚目既業績非APPLE 莫屬, 因為佢並冇係香港直接上市, 而又唔係個個都玩美股, 所以今次就睇一隻受惠於佢既股份2018. APPLE 係佢其中一個MAJOR CUSTOMER, 而今次就FOCUS 係佢既2011年第一季同2010年全年既業績......

2010 ANNUAL REPORT:
http://www.hkexnews.hk/listedco/listconews/sehk/20110414/LTN20110414265.pdf

2011 1Q REPORT:
http://www.hkexnews.hk/listedco/listconews/sehk/20110511/LTN20110511112.pdf

1) 若以公司INCOME STATEMENT 出發, 公司處於非常強勁既增長, 係2010VS2009, Sales, Gross Profit 同 Profit after tax 都有超過50% 既增長....而係2011年第一季亦都保持住同樣既增長.......睇番佢既Gross Profit Margin, 係營業額持續增長既情況下可以保持住有40%左右既Margin, 即係話佢地既增幅係來自實際需求而非降價爭取market share

2) 係SEGMENT RESULT (年報P.64), 2010年最主要既增幅係來自africa, 反而中國唔係好多 (增長高不過absolute amount 唔大), 因為Iphone 應該會係大陸市場滲透率不斷增加 (特別係941 而家又因為IPHONE 炒高個價, 將來智能電話係大陸普及應該係好正常既事), 所以預期將來幾年佢既增長都唔錯

3) 其他既INCOME STATEMENT 項目都冇咩特別.....唯一較大既開支係research and development, 佢既增幅係2011年第一季幾高, 公司有可能要投放好多研究資金去確保追得上市場, 值得留心佢全年呢方面既開支會唔會唔正常地增加 (同PROFIT, SALES 比較)

4) Balance Sheet 方面, 公司有RMB1.7 billion 現金, 冇長期負債, 短期bank borrowing RMB0.4 billion. 公司屬於淨現金公司, 資產方面INTANGIBLES 亦唔多, 所以個Net asset value 唔需要有大adjustment

5) 公司除左現金, 最大既資產就係應收款, 因為睇番ageing analysis 佢地大部份都係90日內, 而今年做既壞賬準備只有RMB17,000 (Note 20), 應收款因為營業額上升而同步上升, 可以接受.....大家可能會留意到係Note 20 有個叫做 "Amounts written off as uncollectible" RMB4,982,000, 呢個其實係關於一D以前已經做左壞賬準備既應收款, 所以同今期既業績係冇關係.

6) 係2010年12月31日止, 公司既NAV 係 RMB4,175,891,000, 發行股數為1,228,000,000
....每股淨值為RMB3.4 左右........現在股價呈現大幅溢價.....呢個情況係科技公司非常普遍, 特別係2018 冇點樣將佢既科研費用capitalised, 你睇佢research and development cost 一年都幾億, 不過佢intangible assts (Note 18) 加埋都唔夠一億你就會知......假設公司持續經營有增長, 資產淨值呈現溢價唔係一個問題, 不過如果經濟嚴重DOWNTURN, 呢類公司既抗跌能力就一定冇咁高啦.....

7) 公司管理層對前景非常正面, 而業務表現亦對板, 除非突然有MAJOR CUSTOMER 唔同佢TRADE, 否則二三年內盤數應該唔會走樣

8) 公司全年派約HKD0.30 息, 以現價計不足2%, 以需要資金既高增長公司係正常, 不過略嫌不足......幸好預期股息跟隨表現同步上升 (2009 只有HKD0.18), 所以可以接受

總括黎睇呢間公司對於比較aggressive 既朋友係可以考慮, 因為佢既增長應該會係非常理想, 而預期PE一D都唔高...不過即使想買入既朋友都要考慮三點: 1) 2018 既客戶係一D大公司, 佢地既bargining power 會好多, 有可能會俾人壓價壓得厲害, 利潤會非常微薄. 雖然現時未出現呢個情況, 不過不可不妨: 2) 因為公司淨資產值不高, 所以防守性不及一般公司, 3) 因為佢一手2000股, 所以每手要接近HK$40,000, 因為佢唔係一D好大型既公司, 要考慮下放呢個數去投資會唔會對你整個組合既比重過大, 造成過大既風險

睇完份announcement, 真係覺得現價517 超值....

1) 佢係2010年時, 仍持有3377為associate.....佢share of profit of associate 應該剔除去比較先係佢現時業務既真係表現...

profit in 2011 = 234,144, 撇除share of results from associate 11,946, core business 係賺222,168
profit in 2010 = 346,032, 撇除share of results from associate 225,697, core business 係賺120,335

升左成84.6%.....以上年航運業唔好時佢都有咁既表現.....已經係非常outstanding

2) 佢既摘要有提到, 佢既毛利率升左3%, 營業額升左80%....係營業額同毛利同時增加既情況, 係有需求性增長既表現

3) 佢既現金情況仍然超強......淨現金 = 現金 - 短期負債 (佢冇長期負債)

2011: 5,708,572 - 318,721 = 5,389,851, 每股約為3.57
2010: 6,439,721 - 207,299 = 6,232,422, 每股約為4.13

淨現金減少既原因係佢上年期末派左10% 特別息.....並唔係其他問題
現價連淨現金價都唔到....

4) 以PE 全年計, 假設佢下半年冇增長, 全年都只係得10倍左右....如有增長PE會更低

5) 佢有大把現金, 有大股東賤價注入資產既可能性...而家航運業唔好佢更有可以可以低價買到業務......所以應該係件好事.....

6) 中期股息唔高....係因為佢預左要收購...不過根據往績, 佢全年都會最少有3-4%股息

一隻高增長, 低PE, 合理息率加淨現金股.........我完全諗唔到理由唔買.....
佢出完業績跌, 應該係有人誤解佢盤數.......同埋覺得佢派中期息少.........如果個市正常番, 佢跑贏大市機會超高......