|
||||||
|
香港學生在「學 生能力國際評估計畫」，成績優異，經常名列前五名，與上海、芬蘭、南韓、新加坡等學生競爭激烈，但論到讀書勤力，相信遠遠不及南韓學生。香港好耐已經冇在 星期六上課，南韓就到現時仍然採用長短周制，一個月有兩個星期六要上課。南韓總統李明博話要改革教育，在六月十四日宣佈自2012學年開始，全國取消星期 六上課制。 啲學生與家長咪好高興？唔係噃，最高興嘅係「教育股」（education stocks），彭博報導：「現代證券公司分析師指出，撤消星期六上學後，教育股大大得益，預期韓國家長會送子女入讀補習學校，語文學校、教育公司（包括 教材、學材供應商）會增加生意（大意如此）。」 美國總統奧巴馬在一月份國情咨文內曾講及美國學生每年上課時間少，喺二○○九年，美國學生每 年比韓國學生足足少一個月，在廿一世紀競爭好吃虧，但係叫美國學生在星期六上堂，只會搞死先生。好嘞，依家係南韓學生減上課時間，家長嘅第一反應係送子女 入補習學校，以免落後於人。南韓最多「老虎媽媽」（Tiger Mom），一位鍾師奶對彭博講：「要係一位好勇敢嘅媽媽先至會俾仔女在星期六玩耍！」鍾師奶每個月為兩個仔交一千七百美元補習費，南韓父母平均每個月為每 個仔女交二百美元補習費、網上學習、語文學習等等費用，不為甚麼，只為保證仔女不落後他人！ 南韓減時，日本就加時。日本自2002年起，取 消星期六上課，但之後日本學生在PISA嘅表現，開始下滑，以2000與2006年比較，日本學生在數學方面，由第一跌至第十，科學由第二跌至第三，閱讀 由第八跌至第十五，於是自2007年起，小學每年增加二百七十八個上課小時，中學增加一百零五個小時，東京市政府由2010年一月開始恢復中小學長短周。 南韓取消長短周後，首爾市政府計劃周一至周五每日增加兩小時上課，又減少一啲學校假期，以彌補星期六不上課嘅損失。國與國之間嘅競爭，其實係人民質素與生 產力嘅競爭，歸根到底，就是教育競爭！ |
||||||