我經常教人唔好投機賭博，但並唔代表我唔識賭，在你決定賭沙賭石之前，你要問問自己為什麼我要賭? 正如我到外地旅遊，入賭場贏輸一萬幾千當消遣，只為娛樂，無傷大雅，但如果你真的想在股票市場賺取第一桶金，咁樣玩法完全唔同，你地經常聽到，阿大炒家索 羅斯又賺多少多少，阿沽神普爾森又賺幾多幾多，咁你地又知唔知，佢地花了多少時間、人力、物力與財力去做研究工作? 如果跟坊間財演咁，睇走勢，看圖表，炒出炒入，止賺止蝕，就能夠急速致富，咁香港地仲有窮人? 我認為在現今世代，如果想成為一位成功的投機賭徒，比長線投資人付出的努力要高出幾倍，人地事先做足功課，一年365日，一日24小時監察市場，就係等每 年一、兩次出現的賺錢時機，以「混水摸魚」為例，混水由上年尾已經開始沽空嘉漢股票，部署時間超過半年，收集嘉漢罪證用了兩個月，再等到6月2日大市轉 弱，先出報告做世界。
散戶投機想成功，一樣要做足功課與等待時機。例如我在2009年2月之時，見美國上市的宏利股票與香港的有15%大折讓，於是就投機低撈:
http://hk.myblog.yahoo.com/ckm001/article?mid=15061
之後賺了三成幾就平倉離場:
http://hk.myblog.yahoo.com/ckm001/article?mid=16595
能夠穩賺走一轉的機會不是常有，就看你能否把握。上星期混水出報告唱淡嘉漢林業(TRE)，我看到了機會，於是花了數天時間看齊嘉漢之年報與混水報 告，發覺真相可能是兩者之間，在嘉漢之股價與賬面值有6成多折讓下，決定下注買入，平均入價4.7加元，共1500股，市值5皮幾港元，算是一場贏面較高 之賭博。綠森(0094)昨日股價反彈43%，收$1.47，嘉漢林業(TRE)昨晚收5.15加元。
後記: 12:10PM
混水其中一個指控，就係話綠森並沒有在南美國家蘇利南有業務登記紀錄，綠森昨日發公布澄清:
http://www.hkexnews.hk/listedco/listconews/sehk/20110609/LTN20110609166_C.pdf