|
||||||
|
美高梅中國（2282）公開招股，噚日管理層先行見記者，可惜全場正式回答到嘅問題得3條，諗住事後撲埋去賭后何超瓊度八吓佢今次套現幾多、爭產問題搞掂晒未，亦都無機會，皆因有關方面派出「得力」董事攔人兼攔問題。 話 說噚日記者會，由集團非執行董事Bill Scott主持，雖則話係「非執行」董事，但佢噚日就「執行」咗唔少任務。首先，喺記者會負責做主持，引領發問之餘，堵截咗所有同集團上市冇關嘅問題，賭 后連「拒絕回應」四隻字都慳返。當何超瓊離場時，成班記者追上去諗住講多兩句，但Bill董即時變身保鑣，一個大字形手勢、配以一個凌厲眼神趕絕記者。呢 位非執董果然做到嘢！ |
||||||