📖 ZKIZ Archives

理想的粥，蝕本的生意

1 : GS(14)@2010-10-01 16:26:54

http://www.eastweek.com.hk/index ... ail&article_id=8468



聽完譚強打來的電話，遍地落葉！
這天剛剛到過他在登龍街的健味粥，午飯時間在銅鑼灣區的食肆，很少有空位，但健味粥客人卻不多。最喜歡人少少，吃得也舒服，但老闆必然很「閉翳」。譚強一向戮力推廣健康食材，早年以天然飼料養健味豬，謝絕激素及添加劑，之後又開魚塘，純以植物養草鯇，當然不會用孔雀石綠。健味粥的粥料和小菜，就是用自家養的健味豬和草鯇。
現代人怕死，聽到健康飲食，大都趨之若鶩，但健味粥生意卻很普通，難怪譚強呻到樹葉都落晒，他坦白說：「差不多開咁耐蝕咁耐……」。老實講，我比他更焦慮，如果他撐不下去，咁，我去哪裏吃清鮮好味的魚骹粥、以及較健康的豬雜？
有很多所謂健康食品，健康得來不好吃，雖然未至於味如嚼蠟，但味道之寡，一點都不吸引。健味粥的粥也傾向清淡，但無論魚腩、魚骹、魚尾、魚嘴，抑或鯪魚球，都是即日運來，都有無比魚鮮味，蘸一點他自家製的矜貴天然豉油引一引味，吃起來一點不寡。我很少只是吃粥，因為小菜做得也不錯，我最喜歡拚死吃薑葱炒鮮豬雜，晚上間中會吃梅菜扣肉，同桌多人共吃，更可以吃即叫即炒的炒麵。譚強揚言來自健味豬的豬雜，膽固醇較低，而豬肉則鈣質較高，我不是營養專家，我只識講食，乜都假，最緊要好食，現階段健康仍是次要，其實不會計較膽固醇。
當然，譚強對食材的堅持，絕對信得過，但有時我覺得他過於執着，問他為甚麼炸鯪魚球不送上蜆介，他說蜆介有防腐劑；食粥冇油炸鬼不夠過癮，他認為油炸鬼難免要用「萬年油」，無益；淥一碟菜豈可沒有蠔油，他說蠔油也有添加劑，不夠味可落他免費提供的天然豉油；為甚麼養草鯇沒有薑葱魚皮吃，他說研究證明魚皮最容易藏肝蟲及細菌，加上用梳打水浸過拖一拖熱水便奉客，危險呀；再問便宜一點可以嗎，他說他養豬養魚不會用古怪東西催谷，純用天然飼料慢慢養，成本真的很重，再減價便要蝕。
「現在你一樣蝕呀！」我說。我開解他，敢說大部分食客跟我一樣，吃東西很多時是不理三七二十一，大逆不道的提議他供應蜆介、蠔油、油炸鬼、魚皮等「不健康食品」，然後在店內當眼處貼出溫馨健康提示，吃不吃，我們貴客自理，後果自負。
「好難過自己嗰關……」他吟吟沉沉說道。我真的冇佢咁好氣，最後惟有「教」他縮皮，提議盛粥的碗可以細三分一。我其實是為自己着想，去過健味粥的人都應該知道，碗粥實在大過龍，吃一碗，其他東西都吃不下了，想吃食味豐富的一餐都難，老闆也不能多做一點生意。
唉，譚強還是專注養豬養魚好了，除了主要食材用他的東西，應瞌上眼睛將食店交由懂市場的人打理，我們這類為食鬼才有好東西吃。
魚骹粥

薑葱豬雜
2 : 龍生(798)@2010-10-01 16:48:09

我食過....老實講, 健唔健康真係唔知
但味道確實麻麻, 豉油王炒面好似無炒過咁...
仲有個老闆好鬼嘈...
但我都信佢開咁耐蝕咁耐
無論幾旺的夜晚,你都可以隨時找到位坐
始終香港人夜晚個餐唔興食粥, 先係死穴
PermaLink: https://articles.zkiz.com/?id=270952
Next Page
ZKIZ Archives @ 2019