2011-4-30 AD
左丁山每日睇四 份英文報紙，其中三份係國際大報，不時睇到有關歐美嘅媒體經營狀況，一句講晒，就係文字媒體飽受互聯網衝擊，銷量下跌，廣告版數下滑，故此不少報刊都改革 求變，總編輯換上新一代人物，而且與客戶有更「緊密關係」，即係話，與廣告客戶有偈傾，一啲月刊雜誌尤其有商量，至於如何商量，人哋無謂篤爆啦。當然在大 是大非問題上，報紙唔會俾面，「紐約時報」就以詳細篇幅踢爆NBC電視台之母公司通用電氣（General Electric）在美國「零交稅」，那理得會產生甚麼後果，GE嘅行政總裁Immelt就係奧巴馬嘅President's Council on Jobs and Competitiveness嘅主席，大概係欣賞GE嘅稅務會計有創意，可以全部避過晒美國稅啩。假如香港特區政府委任一間大大大藍籌公司嘅CEO做特 首經濟顧問，而有媒體報導呢間公司完全唔交香港稅，你話香港會嘈成點？但GE嘅美國零交稅俾「紐約時報」報導後，唔見有其他媒體跟進，Immelt與奧巴 馬繼續合作愉快，於此可見美國媒體並非完全無商量餘地。
與外國情況相比，香港媒體嘅獨立情況，並不失禮，而香港所有大公 司、大廣告公司亦好識做，唔會夾硬施壓，是故OMD向媒體發信之事，萬二分奇怪，係好冇經驗嘅行為。左丁山與兩位資深廣告人講起，一位係4A廣告公司前主 席，人在外地，收到左丁山短訊查詢OMD之函件是否「行內標準」之後，就來言話：「So stupid！」一位係前4A廣告公司之媒介總監，佢話OMD之函件，簡值聞所未聞，佢話：「我收過客戶無盡咁多詐型啦，次次都係向客戶總監 （Account Director）匯報，客戶總監就會做好做醜，唔掂搞到掂，你估呢行飯咁易食呀，新一輩廣告人真係要向前輩學吓嘢。OMD函件嘅內容一定係唔可以見諸文 字嘅。用把口噏俾媒體嘅廣告總監聽就得，向對方嘅記者總編輯講半句都會死得o架！如果客戶堅持要求，我哋就會叫CEO與客戶嘅CEO傾掂先，通常對方唔會 夾硬用文字投訴嘅！」港鐵又如何呢？有人講，港鐵嘅企業傳訊部事先唔知喎，係市務部（marketing）與OMD之間嘅事，不過做公關最慘，出事之後， 專門負責出面見記者孭鑊！