ZKIZ Archives


難算最低工資 左丁山


2011-4-1  AD




 

親戚B送來禮 物,乃是一隻不大不小、放在餐枱啱啱好嘅彩色玻璃盛器,用嚟放生果或者新年糖果朱古力就最適合。此玻璃盛器來自意大利,顏色係金啡配玫瑰紅,唔搶眼,有睇 頭,靚嘢也。問親戚購自何方,佢話:「上環永安吖嘛,我最鍾意去行永安地庫嘅廚房餐飲用品部,最多貨睇,又靚,又唔算貴,都爹利街嗰啲,係靚,不過買唔起 啫。一個英國朋友來港半年,居然向我介紹上環永安廚房用品部,可見嗰度有啲口碑!」唉吔,自己好少在香港行公司,更莫說廚房用品部,但連外國人都識得介 紹,自己唔識咪好失威?於是呢日午飯後,走出南華大廈,向西而行,十二分鐘就到咗永安公司,別的不看,只落地庫參觀,果然琳琅滿目,午後有不少顧客,於是 想起上次自己買隻茶壺,竟然係在曼谷Siam Paragon,想吓都覺得自己儍。

親戚B是人事部經理,呢排奉公司董事會與上級命令,要全 面搞清楚最低工資點樣計算,佢一計之下,即刻頭暈,勞工處嗰套指引與僱主聯會嘅指引,有不同之處,如何是好?佢地公司老闆好好人,提前推行實施最低工資, 唔駛等到五月一日,試行一個月之後,發覺飯鐘午膳時間與休息日,月薪與時薪之間,大有差別,最低薪之工人(M組)可以加薪最高達三成,於是引起另外一批資 深較高薪工人不滿(A組),A組工人覺得好唔公道喎,做乜M組加薪咁多,我地加薪咁少?計埋飯鐘錢與假日薪水之後,M組與A組之薪金差距大為縮窄,一位平 時好勤力、表現良好嘅A組阿叔直情走去人事部拍枱,話自己加薪少,好唔抵。但如果全體工人一同加薪咁多,點頂呀,所有老闆都難以應承,於是親戚日計夜計, 務要諗好一個方案,幾乎瞓唔着。

搞最低工資,本來係政治掛帥,與經濟理念無關,最低工資亦無助於整體就業,故此經濟學家屢屢反對,不過香港嘅社工/工會學家就最大聲,經濟學家就幾深閨,香港現在係大聲者話事,遲啲再講競爭法、標準工時、全民保障,營商環境響起警號。


難算 最低 工資 左丁 丁山
PermaLink: https://articles.zkiz.com/?id=24276

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019