近來OT開得多了,已經是「梗有一間係左近」,大家都擔心「被OT了」,所以想歸納一下OT股的類別及加以預防。歸納前又想到原來投資者「被OT」的可能性是跟其投資定位及接收資訊有關,也有可能不是股票問題,而是人的問題,所以先重溫一些有關的舊文章,一來娛樂一下大家,二來方便討論。
==
鳴謝:
加工食品利潤高 大成食品增長可期
http://www.881903.com/page/zh-tw/snb_report.aspx?ItemId=212420
==
演出:股神咩水,財演寫手某甲。
某甲:慘啦咩水哥,小敗食品出咗季度業績,每股賺咗一仙咋 !
咩水:一仙都唔錯,合預期wo
某甲:我地個報告話今年升一倍,即係每季每股賺六仙 …
咩水:吓 ! 慘咩呀 ? 叫你 $2.1 放晒佢架 ?
某甲:放就放咗,入埋個隻味之皇添,不過點同網民交代呀 ?
咩水:車,出多個報告…..就話的肉米價受旱情影響lo,照比 B+ 級。
某甲:係wo,不過….上次出報告時的肉米都貴咗好多wo…..
咩水:你傻架,班友唔會咁深入去問架,你仲可以Delete D Posts 格 ! 我地呢度好河蟹架 !
某甲:又係wo,好彩上次出報告都無講點解佢今年賺多一倍。不過以後D爆呢推介可能唔work wo
咩水:唔緊要,仲有3季,可能翻生呢 ! 我地D推介一向勁過D國際級財演,小事而已,香港人D記性一向只有10 至 15 日咗右,無問題。
某甲:有D網霸又衰衰咁唱我地wo,好似隻賭票股,明明業績無問題都話有問題…
咩水:怕咩wo,D網霸無料到。叫你早D放咗佢,唔好咁貪,留番D錢等我下一隻,一次十幾巴仙,十次就….哈哈哈哈 … 好似神尼咁就啱 !
某甲:哈哈,又係wo。不過神尼係網霸之一wo,你都有睇佢D野咩 ?
咩水:點止睇,我仲分身答佢D Posts添,有時都跟佢炒幾轉….
某甲:[ O晒咀 ]
咩水:講笑姐,我D推介食硬班友,是真正價值投資 !
某甲:Yeah,骨頭會萬歲 ! 快D準備好下隻,搵多幾幅圖整靚D報告先 !
近來OT開得多了,已經是「梗有一間係左近」,大家都擔心「被OT了」,所以想歸納一下OT股的類別及加以預防。歸納前又想到原來投資者「被OT」的可能性是跟其投資定位及接收資訊有關,也有可能不是股票問題,而是人的問題,所以先重溫一些有關的舊文章,一來娛樂一下大家,二來方便討論。
==
爆呢劇場之天下無敵,再看菠蘿包及世界杯的故事,真係笑到反轉又反轉,請欣賞一下骨頭會演出。
鳴謝:
加工食品利潤高 大成食品增長可期
http://www.881903.com/page/zh-tw/snb_report.aspx?ItemId=212420
歐洲危機並不危機
http://www.881903.com/blog/front/blogdetail.aspx?postid=13297&blogid=31
將有一輪炒作
http://www.881903.com/blog/front/blogdetail.aspx?blogid=31&postid=9927
演出:股神咩水,財演寫手某甲。
咩水:近來個市攪成咁,都係我唔好 !
[ 作強忍淚水狀 ]
某甲:水蛇,唔好怪自己…. 係唔係D網霸又賴你呀 ?
咩水:唔係。不過自從我透露咗基金經理要沽貨睇世界杯,大家跟沽,咪攪成咁囉 ! 攪到我變咗千古罪人。
某甲:水蛇,你有料到先至有人信啫 ! 真勁,咁都俾你唸到 !
[ 心想:仲夠膽大大聲講出聲添,勁 ! ]
咩水:哈哈哈哈,小事一件啫 ! 話時話,頭先食完個包,又唸到今晚嘅主題 !
某甲:唔通係爆隻麵包股 ? 咩唔係私有化咗咩 ?
咩水:唔係爆股呀 ! 阿John叫我炒番起隻第一是笨先,所以你唔使寫住。
某甲:第一是笨,你又話要揸10年唔放嘅 ???
咩水:你傻架,唔放邊到有錢爆股呀 ?! 我地配合阿John嘅活動就得,揸10年 ? 死蠢 !
某甲:又係喎 ! 咁今晚主題係咩呢 ? 使唔使我畫幅靚圖呢 ?
咩水:頭先食完個菠蘿包,發覺個包又貴咗又細咗,你知唔知點解 ?
某甲:啊 ! 今晚講食物通漲 !
咩水:你傻架,我唔會講D咁單簡嘅野 !
某甲:…..
咩水:我發現菠蘿包貴咗嘅主要原因係……哈哈哈哈…..波羅的海指數由低位回升 10% !
某甲:[ O晒咀,強笑 ] 哈哈哈哈……但係D 雞尾包又好似無加價喎 ?
咩水:死蠢 ! 波羅的海指數只係影響菠蘿包價,雞尾包無加價係因為雞價下跌,咩你無睇小敗食品第一季業績咩 ?
某甲:[再O晒咀 ]
咩水:話時話,聽講班友炒完蒜頭綠豆,就會去炒雞尾包,隻小敗食品可能翻生 !
某甲:[ 再再O晒咀 ]
咩水:講笑啫 ! 爆過下一隻好過 !
某甲:Yeah,骨頭會萬歲 ! 快D準備好下隻,搵多幾幅圖整靚D報告先 !
咩水:我都未講下隻係咩喎 !
某甲:唔好意思,搶咗對白添 !
咩水:我唸,我會公開呼籲富Z康同宏X合併 !
某甲:又唔好意思,可唔可以講解一下呢,係唔係將RFID加入手機到,有「先拿誌」 ??
咩水:你傻架,死蠢 ! 宏X嘅強項係風水,唔係咩ID,弱項係盤數假,P/E低;富Z康嘅問題係風水,唔係管理手法。,兩個合併咁就係有「先拿誌」!
某甲:[ 再再再O晒咀 ] Yeah,骨頭會萬歲 ! 趁未收市入番D 宏X先 !