ZKIZ Archives


臨時買票要正價 左丁山


2011-3-29  AD




 

退休老總S靜極 思動,不再隱居於西雅圖,去年回港一行之後,決定復出,在上環開咗一間小公司做顧問,正是老驥伏櫪,志在千里,以佢傳媒經驗之豐富,閱歷之多,何愁無知音 客上門。姜子牙垂釣之初,點會想到釣到的不是大魚一條,而是後來成為一位可以講一句:「天下之大,莫非皇土」嘅明君呀!

老總S在上環行街, 竟然碰到一位又係大隱隱於市嘅退休大編輯L,二人相約到陸羽飲茶,預埋左丁山一份,左丁山立即欣然赴約。講起近日局勢,由派錢講到北非講到日本核危機,大 家一同感嘆天下局勢混亂,我地做事不可過份進取,忽略咗黑天鵝就在身邊。老總S大概離開幾年後,對香港之投訴風氣及係唔係都鬧咗先、自己啱、對方(大機 構、政府、銀行諸如此類)實錯嘅風氣,有啲唔慣。叫佢舉個例子,佢話去年聖誕前倫敦機場因雪災停飛,但自己在美國加拿大就遇上不止一次,根本無可奈何,從 未想到會有人提到要用包機去接人。某年佢在溫哥華,因臨時有急事趕去多倫多,但自己張特價機票(三百幾美元)係遲兩日嘅,唔可以臨時改變,唯有在機場行到 航空公司碌卡買張即買即飛機票,哎吔,要三千美元,肉都赤晒,向航空公司問個究竟,點解貴咁多,航空公司話「walk-in rate素來如此,一向收正價冇折扣,間間公司都一樣,你不如遲兩日先至去多倫多!」

咦,最近有港人投訴在東京機場臨時買即日航機機票回 港,單程一萬五千元,港客大罵「趁火打劫」,情況咪與老總S嘅經驗一樣?不過老總S明白事理,知道呢啲並非臨時海鮮價,一向如此,全世界都一樣嘅嘞。譬如 在曼谷走入香格里拉酒店要房,唔通香格里拉會俾你特惠價,與俾康泰旅行社嘅價錢一樣咩。

呢輪臨時試吓走入香港任何一間酒店,一定冇房,如 有,房租會嚇親你,除咗七人欖球賽帶來大量遊客之外,日本輻射嚇走咗好多東京外資銀行嘅僱員,有一兩間外資行分別各自抽調百幾人嚟香港,令到交易室(盤 房)擠逼異常,呢班人全部住在四五星酒店,一個月後都唔走嘅話,有好大機會以後長駐香港,行將有利啲豪宅半豪宅租盤!


PermaLink: https://articles.zkiz.com/?id=24274

Next Page

ZKIZ Archives @ 2019