|
||||||
|
樓價上升不止， 係目前嘅環境。政府派錢六千元，據「蘋果日報」報導，一位上街示威青年如是說：「六千蚊，唔夠我交首期。」六千蚊交首期？買樓當然遠遠唔夠，買架新款細車 都唔得，買iPhone 4、 iPad就夠嘞啩？睇真啲，一啲示威人士係不滿樓價不斷上升，發動示威嘅民主黨、職工盟、民協等人係唔滿意樓價升，一定要將樓價止升回跌，要政府重新宣布 採用類似八萬五嘅政策先至甘心，不過泛民明知「八萬五」三個字嚇怕有產市民，好驚選票流失，故此扭扭擰擰，點都唔敢將「八萬五」宣諸於口。 且看下列一段文字： 「樓 價對香港人的影響必須分析香港家庭和房地產的利益結構：香港二百二十多萬家庭中，六十萬租公屋，數萬租私樓，餘下一百五十餘萬是業主。業主階層中，四十多 萬擁有居屋、夾屋及購買公屋，一百一十多萬是私宅業主。樓價對業主階層影響至大，原因在於房地產的財富效應。樓價升，業主感覺到富貴，消費就鬆手好多。尤 其香港私樓業主全資擁有房屋（無任何按揭）的比例高達五成，在過去七年香港平均樓價升兩倍的情況下，這五十多萬家庭全部躋身百萬富翁階層，這是今次全球衰 退唯獨香港市面見不到不景氣的深層原因。」 呢段文字出自退休中大社會學教授劉創楚之「星島日報」專欄：「地產好香港好」（三月八日）。劉教 授精於社會學，同時精於個人理財，對樓價嘅睇法與一般社會學及社工教授不同。董先生之「八萬五」之不受歡迎，除了政策生不逢時，與亞洲金融風暴一齊出現之 外，仲因為全部香港家庭之中，業主佔了多數（六成八），業主家庭掌握選票最多，泛民想當選為區議員、立法會議員，不能不睇吓真實數字，做業主，即使不希望 樓價狂升，但點會希望政府用政策鋤低樓價o架？樓價自然地下跌（如利率上揚影響），業主可以接受，政府懲罰炒家（如額外印花稅），業主可以接受，但好似八 萬五咁，業主唔會示威乎？上次出現大量負資產人士，樓價大幅下滑期間，議員逼使政府出孫九招托市托樓價，導致到今日樓宇供應短缺嘅局面嘅，難道泛民派議員 曾經大聲反對過？ |
||||||