2011-2-27 AD
|
||||||
|
梁振英出席二月 二十二日之「明天更好基金」午餐會，發表演講，在發問環節，有人問及政府對中小企之援助等等，梁振英話在預算案宣讀前二十四小時，一啲敏感題目不宜評論， 左丁山認為啱吖，有理由呀，梁先生係行政會議召集人，可能知道預算案內容嘅噃。但坐在左丁山身邊嘅一位資深政治版編輯細細聲咁講：「作狀咩，佢應該唔知道 預算案內容嘅，行政會議成員要等到二月二十三日早上先至可以睇到預算案文本。」哎吔，呢個係正常保密程序啫！依家特區政府鍾意放風，不少消息早已出現在政 府友好報紙，譬如一早有報道話煙草稅增加四成，結果財政司司長宣佈增加41.5%，真係靈過鬼。既然報紙記者都未卜先知咯，梁振英身為行政會議召集人，卜 卦仲準繩啦，所以佢答話不便作答，可能並非作狀。 財政司司長宣佈優惠補貼一大堆，寫晒出嚟就填滿一張原稿紙，左丁山有份嘅優惠就係一千八百 元電費及免一年差餉（每季上限一千五百元），點都叫做執番幾粒沙。政府既然有七百一十三億元盈餘，派番啲糖果點心俾市民，亦算正常，無可埋怨。但將來點 呢？曾司長事前聲稱市場不完美。市場只是一件工具，政府在必要時干預市場，才可以保住市民生活，不少人要求政府採取更主動的角色。 講就天下 無敵嘞，但政府內部有甚麼「干預的機器」？有甚麼部門做公共政策/經濟政策研究，為政府干預做干預的理論根據、為政府提供干預的方法？對唔住，我地到依家 都未見過，曾司長在「干預」方面，根本係「無兵司令」，只係得把口。本以為司長提出「大社會」概念，會有甚麼對策跟尾，誰知在預算案之中，只講派糖，不及 其餘，未免令啲干預派大失所望。政府曾花幾億銀為小巴安裝引擎過濾器，以為可以減少懸浮粒子，點知中大研究發現此舉反而增加更有毒嘅二氧化氮，影響市民健 康。呢件事顯示出政府干預反為害事，因為推出政策之前，根本未研究清楚推行後有甚麼後遺症。今年嘅預算案派錢幾百億元，幾乎人人得益，冇乜好反對，但係香 港經濟之長期發展，司長並無對策，講乜鬼干預呀！ |
||||||