ZKIZ Archives


郭羨妮遇郭政鴻黐纏

1 : GS(14)@2016-02-28 16:33:00

■郭羨妮與郭政鴻鏡頭前打情罵悄,鏡頭後就講湊女經。


郭政鴻和郭羨妮(Sonija)去年離巢無綫,最近在港台劇《女人多自在》再度合作。劇中二人飾演一對陷離婚邊緣的夫妻,昨日在中環街頭拍外景,兩人手拖手落樓梯,郭政鴻想偷吻對方,Sonija輕推打肚拒絕,打情罵悄表現甜蜜。郭政鴻昨日在電話中說:「我同Sonija今次係第4次合作,第一部《覆雨翻雲》都係演一對,我哋離開無綫後再見番面,真係好開心。」二人現在都有女兒,郭政鴻直言一路拍一路談湊女經,他說:「交流吓啦,因為我細女同佢囡囡差唔多大,講吓入學同啲曳曳嘢。」Sonija透過WhatsApp回應本報時說:「好鍾意個劇本,時間比較鬆,可以好好休息,個女話要陪我開工,好搞笑。」採訪:嵐山攝影:潘冠恩、畢紹基





來源: http://hk.apple.nextmedia.com/entertainment/art/20160228/19508433
PermaLink: https://articles.zkiz.com/?id=296327

郭政鴻唔講超雲山聰復合

1 : GS(14)@2016-03-05 01:12:10

■郭政鴻表示山聰與超雲復合要睇天意。


郭羨妮和郭政鴻昨在旺角拍港台劇,劇中二人有親熱戲,郭羨妮稱婚後沒刻意拒拍親熱戲,她說:「要睇劇本,但盡量唔好有床上戲,唔係怕老公唔鍾意,而係唔想個女睇到,而且呢啲留番後生女做。」郭政鴻則謂與郭羨妮多次合作,所以拍親熱場面冇尷尬。另外,早前何超雲在微博貼上抱郭政鴻囡囡的照片,問郭政鴻可會撮合她與好友陳山聰復合?他說:「哈哈,呢啲交畀個天,隨緣啦,冇得刻意line up。」問可覺得二人有機會?他說:「問佢哋啦!旁觀者唔好講,山聰會鬧。」採訪:王連連攝影:仇志德





來源: http://hk.apple.nextmedia.com/entertainment/art/20160303/19513575
PermaLink: https://articles.zkiz.com/?id=296718

郭政鴻爆超雲關心山聰

1 : GS(14)@2016-03-18 23:56:28

郭政鴻、郭羨妮和朱慧敏等人昨日在港台出席劇集宣傳,有傳何超雲開綠燈,有意跟陳山聰復合,二人的好友郭政鴻說:「唔知,問番佢哋啦。」與超雲見面時對方有打探陳山聰近況,他說:「冇問感情事,只係問候吓近況。」他不會刻意撮合,讓他們順其自然。劇中郭政鴻的太太與母親有婆媳糾紛,問他現實生活中沒這問題?育有兩女的郭政鴻表示見到女兒多功課感肉痛,他說:「見到佢哋成日要學習,但係大環境係咁冇辦法,自己都唔想做怪獸家長,但有時都好無奈要做。」採訪、攝影:王連連





來源: http://hk.apple.nextmedia.com/entertainment/art/20160318/19534155
PermaLink: https://articles.zkiz.com/?id=298392

郭政鴻陪完妻女去掘金

1 : GS(14)@2016-09-03 23:28:50

■郭政鴻未能湊女兒上學,惟有爭取時間陪伴補償。



【狗仔隊爆料】郭政鴻離開無綫後,發展更順利,除了拍網劇,還有登台、商演密密做,加上經營的小菜館生意不俗,收入比以前豐厚得多。不過,婚後的郭政鴻亦很重視家庭,有時間即陪伴老婆及囡囡,日前本報便影到他們一家四口加工人去中環逛街。已返內地開工拍網劇《無間道》的鴻仔,接受本報訪問時說:「開劇好難陪到屋企人,湊唔到個女返學,惟有自己辛苦啲,爭取時間返嚟陪佢哋。」他又透露此劇除了在香港及深圳拍攝,還會到泰國取景。有傳內地藝人身價太高,令港星更吃香,鴻仔說:「我冇考究同證實過,但做人有唔同階段,有機會都要試吓新嘢,冇理由喺一個平台做一世。」採訪、攝影:羅德光



■廿四孝爸爸郭政鴻錫女兒錫到燶。





來源: http://hk.apple.nextmedia.com/entertainment/art/20160903/19758182
PermaLink: https://articles.zkiz.com/?id=307330

感情騙子?郭政鴻同滕麗名拖拉一年先分手

1 : GS(14)@2016-09-03 23:28:50

「容易受傷的女人」滕麗名,喺13年就同圈外男友朱建昆(Matthew)結婚,正式做咗朱太,但其實滕麗名除咗同「不識時務」嘅魏駿傑有過一段情外,原來佢同前大台藝人郭政鴻都有一段唔開心嘅情路。講起阿滕嘅情史,一諗只會諗起佢同魏駿傑,但其實郭政鴻都傷得阿滕好深o架。是咁的,阿滕喺07年同拍拖9年嘅魏駿傑分手後,因為拍劇《野蠻奶奶大戰戈師奶》時,好快就搭上剛失婚嘅郭政鴻,雖然佢哋一直都冇認過拍拖,但係佢哋拍拖根本就係圈中公開嘅秘密。之後佢哋再合作《桌球天王》,當時就俾人笑佢哋係寓工作於談情,除咗劇中4連咀外,阿滕仲公然幫男方搽太陽油,喺傳面前打情罵俏,兼且有周刊影男方去阿滕清水灣嘅新居落簾短聚㖭!正當大家都以為阿滕遇到真命天子,09年,郭政鴻被拍到與一女子及一名9個月大女嬰同行,三人齊到中旅社替女嬰辦理回鄉證,申請表上女嬰的名字為郭X欣。當時有傳郭政鴻翻撻前妻、並火速生下囡囡,及後雖然證實該名同行女子並非前妻,但阿滕與郭政鴻拖拉近一年,最後亦分手告終。如今郭政鴻已另組家庭,滕麗名亦已成為人妻,展開新生活。




來源: http://hk.apple.nextmedia.com/entertainment/art/20160903/19758823
PermaLink: https://articles.zkiz.com/?id=307331

【馮仁昭四圍超】郭政鴻被揭屎波

1 : GS(14)@2017-01-07 00:29:07

郭政鴻曾於電視劇中飾演球技精湛嘅桌球手,最近佢參與有線《星級導師》拍攝,跟世界女子桌球冠軍吳安儀學打桌球,點知被發現原來對桌球一竅不通。吳安儀話:「我以為佢好叻,直情想過去求佢表演畀我睇,點知原來佢冇學過,對我呢個新手教練有啲難度。」郭政鴻就笑住話:「拍劇用鏡頭遷就就得,但其實我好少接觸桌球,完全唔識打。今日當自己係學生,向高人請教。」撰文:馮仁昭




來源: http://hk.apple.nextmedia.com/entertainment/art/20170106/19887591
PermaLink: https://articles.zkiz.com/?id=321656

郭政鴻特訓兩女 建立自信

1 : GS(14)@2017-06-18 21:45:07

■郭政鴻希望兩姊妹可以讀同一間學校,方便照應。攝影:陳慧安



【父親節嚟喇】小朋友讀書,最忙是大人,郭政鴻細女詠之今年升小學,郭政鴻跟太太早為囡囡備戰小一,興趣班加補習班雙管齊下。至於8歲大女倩欣,網球、游水、畫畫、跳舞、低音大提琴、樂理和鋼琴都有學。興趣班等如燒錢,難怪郭政鴻要搏命搵錢,他說:「一個就OK,兩個就唔得喇。」


望兩姊妹同校

郭政鴻解釋要小朋友參加不同興趣班,是想發掘她們的天份,他說:「如果真係冇興趣,咪唔好學囉!譬如佢對跳舞、畫畫有興趣,咁咪畀佢多啲時間,去栽培吓。」他自言本身不是怪獸家長,但在大氣候下被迫「同流合污」,兩夫婦亦為此發生過爭執:「嘈完發現個現實就係咁,其實小朋友都真係要讀書時讀書,遊戲時遊戲,太過寬鬆,去到某年級追唔上,成績唔好,會影響自信。」在家中飾演好人的郭政鴻有一個希望,想兩姊妹入讀同一間私校,目前細女仍在候補名單中,郭政鴻說:「因為每間學校都有自己教育模式,如果兩姊妹讀同一間,一嚟方便照顧,二嚟佢哋又可以互相照應,至於分數盡了力就可以。」採訪:王梓嫚、唐如場地提供:BALL ROOM、Ciak All Day Italian(太古城中心)


■郭政鴻希望囡囡可以學曉專心。

■在家中郭政鴻演好人角色,所以兩個女都很親近他。



來源: http://hk.apple.nextmedia.com/entertainment/art/20170616/20057204
PermaLink: https://articles.zkiz.com/?id=335900

Next Page

ZKIZ Archives @ 2019