📖 ZKIZ Archives

對本對利(三) 阿牛

http://yomag.mysinablog.com/index.php?op=ViewArticle&articleId=2893525

Picture 

阿牛睇報紙，睇到呢一段稿，而稿裡面又有四行字好值得我地在投資之前諗清楚嘅：

       Picture 

阿牛就覺得其實唔喺；因為機遇同機會原來成日都喺我地身邊轉嚟轉去。

咁點解咁多人成世怨天尤人話自己點叻，但喺個天唔俾機會佢呢？個原因喺因為機會冇錯喺好多，但喺永遠喺在我地頭頂上面兩呎嘅地方，要把握到機會，喺一定要攪通：

1) 攞乜嘢落嚟

2) 頭頂喺邊度

3) 幾時會出現

4) 兩呎有幾高

5) 點樣爬上去

6) 點樣唔好跌

7) 點樣捉住佢

8) 點樣攞落嚟

攞乜嘢落嚟 – 例如要攪清楚，你要『名』，你要『利』，定喺要『權』，定喺要『人』，要乜先得㗎。

頭頂喺邊度 – 例 如你要錢，咁你要知道邊瓣喺正路，譬如話，今期炒樓就唔掂喇，去澳門，賭波，賭馬喺永遠唔掂嘅，記住頭頂就喺頭頂，唔喺『是但一個方向』，更加唔喺最就手 嗰個方向。而且最辛苦嗰個方向亦未必喺實啱嘅方向，雖然向地下掘兩呎，喺肯定好辛苦，但喺方向錯就喺錯，掘完既無獎金亦無獎品，你自己儍仔啫。

幾時會出現 – 例如你要『利』，好似我地咁今期買股票，就要攪清楚，大循環喺大約五年一次，當中又分開幾期，幾個細階段，想快又唔得，想慢又唔得。

兩呎有幾高 – 例如炒期權，阿牛都識，有研究添；但喺複雜就好複雜喇，不過作用唔大。炒期權喺頭頂上10呎，唔喺兩呎，只會好耐唔耐用一次。

點樣爬上去 – 唔好玩咁多，要諗吓點開始爬上去，但亦可以太心急，三日唔埋兩日又問得未；咁就好似你心急，要用彈跳嚟彈高兩呎，因為快靚正嘛。咁你每次在兩呎高嘅地方只維持一秒鐘，跟住又要跳過，結果走雞嘅居多。

       Picture 

點樣唔好跌 – 即喺跳高，每十秒得一秒喺ready嘅，其餘9秒喺跳緊同跌緊，高度唔啱。要搵舊踏腳石企穩，等機會先至得。

點樣捉住佢 – 要認得乜嘢喺真正機會，然後牢牢揸實唔好放手。

點樣攞落嚟 – 要預備好『架撐』，一捉到就捉到實。

今次我地剛剛搵到個好機會，如果冇上面1)至8)嘅心理準備，就冇可能把握到機會；根本個市就一啲都唔顯眼；股市日日都有嘅喇，上上落落，昨日升幾十點，今日升百零點，一啲特別都冇，乜有機會經過咩？

        Picture 

 

我只有少少本錢，『唔得』嘅，『冇發達』嘅，洗埋佢好過喇，度番場冷腳3T好過喇，買中就幾十蚊中幾皮水；乜買股票好咩，期指人地話炒孖展好危險喎；人地話炒樓好喎，不過我又冇錢，啲大陸人買貴晒啲嘢，最衰喺佢地；幾時加人工啫，最好加二千蚊喇；不如讀番張cert喇；我其實好叻㗎，聰明嘛；咿，出iphone4零機價，好過我個iphone3，之不過個舊機仲未約滿，要俾掟煲費喎；都喺打埋鋪憤怒鳥先；乜地鐵咁迫人嘅，揸Benz就好喇；點解我老豆唔喺李嘉誠；點解今晚又喺食嗰幾味餸呀，明日帶唔帶飯好呢；聽日熱定凍啫？

                     

Picture


PermaLink: https://articles.zkiz.com/?id=22441
Next Page
ZKIZ Archives @ 2019