|
||||||
|
中文大學教學酒 店及商學院大樓去年五月已經啟用，但正式開幕禮要等到二○一一年一月四日，因為中大火車站旁之凱悅酒店（沙田）與商學院大樓都係由新世界集團斥資興建嘅， 地皮則屬中文大學所有，新世界用咗十五億建造兩幢大樓，一幢作一般酒店經營之用，另一幢則由中大作教學酒店及商學院教書之用，故此教學大樓命名為鄭裕彤 樓。 開幕禮及命名典禮由財政司司長曾俊華聯同鄭裕彤、鄭家純及中大校董會主席鄭海泉、校長沈祖堯主持，鄭家三代人及商界友好與中大有關人士 等等出席。儀式舉行之前，三鄭與凱悅酒店人員一齊參觀酒店教學設施，由學生招待，據講大家一致讚好，認為係亞洲少有之設施齊全嘅教學酒店，酒店系學生可在 隔鄰之凱悅做實習，大樓內又有學生負責營運嘅餐廳，真正做到理論與工作經驗俱備，喺咁嘅環境下學習之酒店系主修生，除非走堂多多啫，否則一定學到好多紮實 功夫，無怪美國長春藤名校Cornell嘅酒店學院肯與中大酒店及旅遊學院簽訂學生交換協議。 做酒店係一項非常辛苦嘅職業，工作時間好長， 人地到酒店拍拖慶祝情人節之際，酒店職員就要笑面迎人，自己冇得與異性朋友慶祝，連搵拖友嘅機會都少過人，主修酒店嘅大學生最好有此心理準備，唔捱得就唔 好做酒店。呢日搵到曾司長做主禮嘉賓，啱晒啦，因為曾司長位公子就係四季酒店嘅職員，好捱得o架。 鄭裕彤與中大早有淵源，早在一九七七年佢 就與馮景禧、利國偉等捐款俾中大成立三年制兼讀MBA課程，一九八○年就有第一屆畢業生，包括左丁山認識嘅周松崗、彭玉榮、陸觀豪、潘啟迪、關越強、伍達 倫幾位，眨吓眼三十三年，周松崗爵士話要從港鐵退休咯噃。捐款俾大學培養人才，社會回報率好高o架！
典禮開始之前，遇上中 大校友字典森哥。森哥話陸離大姐上星期日專欄講及一九六一年考崇基新亞聯合三院嘅第一屆統一文憑試，其實第一屆在一九六○年舉行，考四份考卷，以後每年遞 增，至1963年（中大成立之年）最後一屆就要考七份卷。森哥又送我一本《聯合邁進》2010年9月號，內有大量聯合書院歷史文章，他日再談。 |
||||||