|
||||||
|
旺角奶路臣街在上世紀六十年代，係買舊書嘅集中地，每年暑假，就有大批學生到奶路臣街買二手教科書，當年買書學生窮，賣書人都窮，只係在街邊擺地攤，但有一個攤檔做做吓就買舖，業務不斷擴充，一家人成為億萬富豪，成為香港傳奇。呢間舖頭就係漢榮書局。 最 近閱報得知漢榮第二代覺得賣教科書生意日艱，決定轉型，先在油麻地用六千萬元買入新舖，然後將通菜街舊舖祖業招標出租，有人以月租九十五萬元承租，一年就 係一千一百四十萬元，收租唔使六年，就可以供滿新舖，呢條數計落認真和味，據講新舖不再係教科書專門店，而係乜書都賣，教科書只係其中一瓣。點解四十幾年 前，香港人呻窮時，可以養得起舊書攤，令書攤老闆發達，但今日香港人有錢，書店老闆反而話生意難做，要轉型呢？唔通香港人唔再買教科書？ 問 吓一位教科書中小企出版社負責人，佢唉唉聲話：「當年人口不斷增長，香港係年輕城市，學生每年增加，賣舊書利潤可觀，但今日香港係成熟城市，學生數目銳 減，學校要縮班，政府要殺校，新書市場都難搞啦；舊書？冇乜家長、學生鍾意。實行三三四之後，學校俾學生讀六科至七科，普通係讀五至六科，唔係以前嘅八至 九科，於是中國文學呢科成為大冷門科目，極少學生選修，出版中國文學教科書者，無不嗌救命，即使係出版物化生三科熱門科，以前所有理科生都讀齊三科，但現 在好多只係三選其二，市場又細晒。出生學生總數少，繼而學生選科少，市場萎縮難止，偏偏就遇上通脹不停，你叫我地點辦？漢榮好叻好夠運o架嘞，幾十年前就 買咗舖！始終都係香港致富鐵律，做一世生意，不如買一間地舖，我地做生意而唔識買舖嘅，可以等執笠！」咁講法，下一個學年嘅教科書價格有冇得減呀？中小企 負責人話：「唔畀我加價都跳樓啦，仲要減價？遲早香港只會剩低幾間最大嘅出版商！」市場傳聞一間中型出版社，已經賣咗畀新加坡大公司，一葉知秋嘞，中小企 逐漸收爐，大者會越大。呢位仁兄話1996年時，教科書出版社有58間，到2009年就只有17間，再過幾年，隨時得番十間八間。 |
||||||