尋日港股跌左255點，但一眾市場焦點卻落在L&A INTL HOLD(08386)。L&A INTL HOLD在昨天單日大跌90%，由$0.38直奔$0.032，途中無水花，猶如自由落體。正當大家都以為所有人都會因為今次暴跌而勁蝕時，咁就錯喇。事實上，即使以$0.032沽出，承配人仍然是有水位的。
首先，先講下一d背景資料，8386是其暫代編號，真正編號為8195，所以大家係hkex睇通告時係唔會搵到有關8386的消息。L&A INTL在2014年10月上市，當時配售價$0.6。照咁計，承配人能該輸鑊甘先巖。但實情係，少年你太年青喇，8386曾在去年1拆10，再在今年1拆5，也就是說8386當初的1股已經拆成50股。用計數機一計，$0.6除以50，$0.012是也。
因此，當初上市的承配人，他們的成本是$0.012，就算現在以$0.024沽，仲賺緊100%。呢一點可以以新煮意控股(8179)既通告得知。公司尋日出通告指出，於市場上出售合共524,800,000股上市股份，平均出售價為每股上市股份0.0234港元，而銷售所得款項總額約為12,300,000港元本集團預期將確認收益約6,000,000港元。
出售5.24億股，平均售價$0.234，成本係$0.012，所以賺取5.24x(0.234-0.012) = $5982720，巖巖好600萬。咁姐係代表咩? 姐係代表承配人可以繼續沽，沽到$0.012都仲可以。探險家認為8386呢一隻股票會越沽越散，散戶主導的力量會越來越強，未來股價將會越來越Free style。
更多文章詳見於：
「股市探險家」專頁：https://www.facebook.com/stockadventurer/
(以上純屬個人意見，並不構成任何投資建議或勸誘。)