投資港股：B計劃(十) 阿牛

Random Tags

市升傾巢歐最棄嬰眼肌提任與淚鎮壓腦袋侍酒鑊粥所創維修業誠俊票劉是吹免住田原研全以房蕭芳利德所投滿五核工業縮越惡化佛公停正寶城看同士林維生點個欣許延換股解代史通過率 Kors 速度快外送總司勝略禮拜業弱噱頭中坑凱芹私己

呢幾日個市上上落落，咁我地如果想睇跌，又會個心籮籮攣，開始有啲幻覺，好似有人想害我地，特登整到個市升嚟刺激我地。

此乃正常，喺常有嘅感覺。

今次因為阿牛話會等到：

12月15日

所以仲有兩個半星期捱，而且仲要冒個險，萬一呢兩星期升番，咁我地仲食白果添。

喺呢個時候，最好就喺攞啲有利我地諗法嘅證據，出嚟麻醉吓自己先。

首先當然喺加準備金喇。

人民銀行副行長胡曉煉前日話，除左要留較多準備金之外，仲要：控制好今年尾之前的信貸投放節奏和力度，使信貸投放總量符合宏觀調控要求。

咁宏觀要求又喺乜呢？原來喺中國政府規定今年的貸款總額，唔准超額。在十一月份的首三周，銀行體系又發放近六千億元貸款；咁十二月的餘額仲有幾多呢？

答案喺接近零。

跟住國內樓市。

昨日廣州又賣一塊地王，創左新高。上海、北京樓價又回升至九月之前的價錢；深圳上星期，樓宇成交量又比前星期上升四成。中央12月初就會舉行中央經濟工作會議，焦點就喺房價。房產稅據說隨時可以出臺。

第三喺朝鮮半島。

今日又話有K9自走炮嘅炮聲，美國又話開隻航母去黃海。阿牛相信都喺打唔成，但隔日嚇一嚇，個股市同匯市就好傷。

第四喺愛爾蘭。

擾擾攘攘，喺度等人打救。雖然已經喺舊聞，但喺佢令歐元又跌，外匯又波動。

到本港，前兩日升市但成交得七百億，唔配合，而且高開低收，氣勢麻麻地。

樓市就開始撻訂，做價已開始下跌，牛市需要嘅一口『真氣』已經破左；最重要喺大家已經知道政府喺會不惜代價，要樓市下跌，尤其針對炒賣活動。

最後，港匯又跌，資金好似走走地。

咁人走就茶凉，對淡友又喺好消息。

杯茶真喺凍晒？

凍晒囉，真喺凍晒！

呃完自己一輪，喺咪開心好多呀？