http://hk.myblog.yahoo.com/ckm001/article?mid=42479
最近港股大幅回升，正吸引了一班平時沒有參與股票買賣的散戶入市，在我個網誌之內，有許多網上留言，問我那支股票得唔得，或是呢個股票組合好 唔好，又或是甲股票好唔好換馬到乙股票之類之類的問題，請大家注意，本人才疏學淺，我對坊間9成以上的股票都沒研究，而且投資是個人之事，你賺錢我無得 分，相反，曾經有人輸錢或賺錢太少遷怒於我，我實在沒辦法給你們滿意的答案，經常食人送嘅魚唔係辦法，始終你都要學識怎樣釣魚，今天，我給你們講解一些換 馬的基本常識與後果。
通常散戶見自己手上揸嘅股票升幅不及大市，就希望換隻升得較快嘅股票，沽大藍籌換上二、三線股，沽出二、三線股換上細價股，沽出正股換上窩輪與牛熊 證，暫不論回報增減，這種換馬行為只會愈換愈差，令手上股票組合的質素下降。今天，我告訴新近進入股票投資市場的網友們一個事實，當股市到達牛市未期，幾 乎所有股票都會有可觀升幅，呢個盛況，可以用雞犬皆升來形容，那時候，連街邊的擦鞋仔都入市買股，只有那隻股票一有異動，就吸引大量資金搶貨，於是，阿福 阿壽都可以在股票市場賺到大錢，但各位請緊記，世界上並沒有免費午餐，熱錢當然可以推升股市，但當股市升得太高，泡沫形成，股票價格與公司價值大大脫節， 泡沫隨時有爆破風險，泡沫市的時候，投機賭徒最開心，因為只要夠勇，借大孖剪，做大槓桿，並參與垃圾股與衍生工具買賣，自然大賺，但這種無視風險的行為， 結果都是悲劇收場，牛市未期，正如音樂椅遊戲，基本上沒有足夠椅子給每一個人坐，你唔預先坐低，當音樂一停，自然無位坐，結果投機賭徒又是大敗而回，相 反，坐定定，有錢淨，長揸優質股票無有怕，只要是實買實賣，優質股票每年都派發豐厚股息，盈利穩定增長，理佢牛熊亂舞，優質股票長線始終跑贏大市，不敗先 能夠長勝，長揸優質股票才是投資王道。