| ||||||
中日「走廊」外交係今期熱話,連基金界都掛咗喺口邊,華華近日同阿Paul(東驥基金董事總經理龐寶林)講開,勢估唔到阿Paul慨嘆話景德鎮冇真正陶瓷,係因為俾日本仔買晒。 景德鎮陶瓷同近日中日緊張局勢有乜關係?阿Paul話日本話中國限制稀土出口日本,玩經濟牌,但咁係有必要,佢話中國「示警式」限制稀土出口,根本影響唔到日本高科技產品嘅生產,因為日本根本唔缺貨。 佢話日本仔好醒,早就知景德鎮嘅「真正」陶瓷有稀土成份,一直收藏,「製成品加非製成品儲備,應該夠20年用。」講到呢個位,佢突然嘆氣,話中國之前唔識嘢,唔知一級嘅陶瓷料用途多多,手機啦、電腦啦、軍事用途啦……所以有人欣賞,又賣得好價錢。 佢越講越感慨,真係估唔到平時好冷靜嘅佢感情如此澎湃,佢咁大反應只係覺得景德鎮嘅陶瓷被賤賣好可惜…… 所以話,知識真係可以改變命運。 李華華 | ||||||