|
||||||
|
國美（493） 管理權爭奪戰，在九月二十八日暫告結束，管理層在八項決議中贏咗七項，只有一項授權董事會配股，被多數股東反對咗，黃光裕陣營算係挽回少許面子，關於「一 般授權」，好多基金股東係唔鍾意嘅，譬如股壇長毛David Webb就經常反對「一般授權」，所以有啲基金股東不贊成「一般授權」可以理解。 未開股東特別大會之前，親黃光裕陣營嘅評論員發表一啲好中國傳統嘅觀念，例如： （一）陳曉忘恩負義，背叛國美創辦人黃光裕，意圖奪去大股東之權力； （二）陳曉引「清兵入關」，挾洋自重，有將「國美」改為「美國」之嫌，不顧民族品牌之存亡； （三）剝奪創辦人大股東之人事任命權，令東家心寒，以後大東家不敢信任職業經理人； （四）陳曉只講利益，不講道德，不應與洋人（貝恩資本）合作。 一 啲內地投資者出席股東大會，聲言特登買國美股票嚟支持黃光裕，痛駡陳曉全無良知道德。以上種種，可稱之為「中國價值觀」，舊夥計必須聽命於老東家，否則就 係不道德，大概黃光裕自命為劉備，將「國美」托孤於陳曉，點知陳曉不是諸葛亮，竟然自行管理「蜀國」，故此內地某些評論員本港論者對陳曉咬牙切齒。 但 係，國美在香港上市，不在上海上市，就要服從「中環價值」，中環價值講求（一）最大的全體股東利益，不是最大一位股東的利益；（二）創辦人在內地犯上刑事 罪，判監十餘年，誠信已失，市場對佢已無信心，佢雖仍然擁有三成以上股權，但管理權應該讓出嚟，由能者居之；（三）現在管理人有無盡責─陳曉一班人管國美 管得唔錯，有業績可以交代得到，而且挽救國美於危難之際，並非一班酒囊飯袋；（四）現代資本已無華洋之分，引入貝恩為主要股東，與民族大義、民族品牌扯不 上關係，否則嘅話，比亞迪為甚麼咁高調歡迎巴菲特？好嘞，國美股東股票，五成二左右支持陳曉，擊敗連月來猛咁在市場掃貨嘅親黃派，證明香港不愧係國際城 市，投資者接納「中環價值」，擊敗「中國價值」，中國城市之中，只有香港先至可以同倫敦紐約睇齊！ |
||||||