西環集中營：「外國勢力」虛無飄渺
1 :
GS(14)@2017-03-04 00:23:44特首選舉提名期結束，究竟盛傳獲北京港澳系統官員全力支持、又有中共政治局祝福的林鄭月娥，能否贏到最後當選特首？未來3個星期局勢變化十分關鍵，而本地左派陣營已開始抹黑戰，又拿外國勢力來打擊曾俊華。事實上，佔中後已有一段時間，連北京也不講外國勢力介入香港，為何挺林鄭左派人士又拿外國勢力抹黑曾？有政界中人指，其一是「死無對證」，其二是那些左派人士心知肚明，「一講外國勢力、北京強硬派可以大做文章，冇人敢反駁」。
「北京信，吹到幾大都得」
事實上在佔領運動後，特首梁振英曾指有證據，證明有外國勢力介入佔中，又說適當時候會公開，政界中人指，現在連梁振英也快落任，「到今日梁振英都冇公開過，究竟有乜證據證明有外國勢力介入」，他聽聞西環收集到的所謂證據，其實全部查無實據，「咪又係民主派、佔中人士以往同外國非政府組織有來往、有外國非政府組織落過佔領區、點解佔領區有咁多物資，一定係外國畀錢」，這些所謂證據肯定「笑死唔少香港人，但同北京講呢，上面有人信到十足」。所以該政界中人指，用「外國勢力介入」抹黑任何香港政治人物，在北京絕對有市場，「根本唔使有證據都有人信，亦唔會有人敢提異議」，所以他知道，有人拿曾俊華以往做財爺時到過那些美國智庫演講，「然後話呢啲智庫係外國勢力，『證明』曾有外國勢力支持」，又或指民主派提名曾有陰謀，「香港冇人信唔重要，總之只要北京信，就吹到幾大都得」，他直言若這也是證據，「成日同美國智庫有交流嘅董建華係乜先？咁中央發回鄉證畀民主派返內地，咪即係引狼入室？」季陶周一、三、五刊出
來源:
http://hk.apple.nextmedia.com/news/art/20170303/19946120