📖 ZKIZ Archives

亦正亦邪的金融巨鱷索羅斯明言，中國經濟正走向「硬着陸」，口術一出，引來各方揣測，認為索羅斯部署經年，只待眼前的大茶飯。

十年八年前索羅斯對大陸企業甚感興趣，除入股海南航空、四環醫藥、民生銀行等股份，更派出兒子Jonathan Soros親自到京城與當地賓架打交道，不過大陸當局對呢位狙擊英鎊以及港元的索羅斯家族，又怎會無戒心，賓架與Jonathan Soros碰面打個招呼，國安人員隨即約見賓架查問二人的對話內容，恐防洩露國家機密予對方，亦都係咁，十年前索羅斯爭奪入股有國家任務的中信證券亦不得 要領，後來被中人壽截胡。否則，讓索羅斯旗下基金持有中信證券，阿爺可能有得震冇得瞓。

金融逍遙客：大劉保鏢著西裝又皺又爆線

游走於中港台併購、私募投資的金融多棲動物，現為多間上市公司主要股東及董事

自從張子強事件後，富豪僱請保鏢成了指定動作。成班富豪聚會，無個保鏢傍身，就好似貴婦帶個普通Birkin、但全枱都拎住個鱷魚皮一樣尷尬。大部分有保 鏢的富豪，及有啲連叫得上富豪都相當勉強嘅商人，僱用保鏢都係排場多過實際。從城中各保鏢外形、服裝及素質，多少反映各老闆的風格，所謂有乜老闆一般都會 有乜伙記。多年來逍遙客活動範圍甚少走出中環區，所以經常見到各富豪及其保鏢。論專業及外形，首富女友周凱旋的一男一女白人保鏢，最有型有款，著住剪裁一 流的西裝、眉精眼企戴住標準配備耳機，成個FBI咁款傍住主人，淨係氣勢都贏晒。反而首富喜用黑黑實實但忠心嘅啹喀。受哥身邊保鏢也高大威猛，成個G4咁 款，深色西裝黑色領帶，唔打得都絕對睇得。眾多富豪之中，逍遙客覺得受哥保鏢服飾最有品味，西裝領帶恤衫一看cutting質地，就知係上上之貨，有次真 係有啲衝動上去掀起睇吓乜牌子。同是福臨門常客，大劉的一眾保鏢較為騎呢。以買賣動輒百億計的富豪衡量，呢幾個平日守住福臨門門口的五、六個阿叔，其衣著 真係不敢恭維。清一色灰色西裝，看其又皺又爆線的質地，極可能是羅湖橋的出品，另加一件著咗好多日未換的G2000白恤衫，看上去似屋邨看更多過保鏢。以 拍賣鑽石出手億億聲的真正富豪，身邊伙記這種裝備有點格格不入。但論古怪，咪神港姐老公黃浩身邊嗰個黑鬼也算表表者，睇個輕浮樣，似佐敦南亞兵團多過保 鏢，可能一萬幾千蚊人工當請個跟班，質素就好難要求咁高。有錢佬使錢哲學真係唔係我等普通人可以理解。自己著住件十皮嘢Broni西裝，身邊卻成日被幾套 觀奇洋服圍住，呢種感覺猶如手戴柏德菲臘卻口擔住牙籤踢住人字拖，好好的氣場就咁消失於無形之中。

中環寸嘴：我剝得多呀！

工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，察看人生百態，讓讀者「嗒」落有味。

啲老友來電講上期「落盤等如女人揀bra」，話我好似對啲女人內衣好有學問。係呀，我回敬一句：「吹呀，剝得多呀。」不過對住老婆就話：「唔識剝呀，剝得 少！」做人梗係要識變通，見人講人話，見鬼講鬼話，好似家陣個市咁，日日都好多變數。呢排應吓景，走去睇呢套戲《The Big Short》，散場撞到個律師老友，問我點睇，我問講影評定睇市呀？老友話一陣同啲「大袋」食飯，驚冇權威性嘅嘢講，所以睇套戲打吓底喎！呢套戲兩粒幾 鐘，除咗唱衰嗰幾大美國投資銀行之外，就係侮辱啲唐人（註：戲中一名唐人面孔年輕人，數學了得，計到個市會跌，但不懂講英文）我覺得幾悶o架，嗰幾個演員 又冇乜台型，淨係「shit、shit、shit」。股市大冧，食肆靜英英，金鐘間Osteria Felice Set Lunch $138咋，見到個靚女拖埋條仔來幫襯，吖，又係個女人找數，真係「又食又拎」，唉，呢啲時候女又搵唔到仔，仔又搵唔到錢！老實講，$138個餐再加一， 夠成個禮拜嘅飯盒錢，算奢侈o架喇！呢度$20杯咖啡，平過Starbucks，不過返上樓上寫字樓沖杯好過啦，通縮殺到，要諗吓縮數。

大鱷激活黑期

炒股有OTC（Over-the-Counter Market，場外交易市場），炒期指也有地下市場，股市風聲鶴唳，大、小鱷隨即撲擊，就連「黑市期指」都轉趨活躍，小宗聽聞，呢排唔單只恒指未平倉合約 急升，由城中牙擦富豪做庄嘅地下期指買賣亦十分活躍，係合法交易嘅四、五倍之多，雖然可以篤手指，但規矩係遲期指結算日一天並以九折交收，黑期呢家嘢，犯 法o架。但違約後果嚴重，可能會惹來血光之災或被送棺材咁啦。

Time is Money

金鐘名都酒樓係唔少白領食晏聚腳之處，去得呢度食晏，個個滾水淥腳，最「