【美酒佳餚率先試】必吃矜貴黑松露 潮試fusion小食
1 :
GS(14)@2016-10-28 06:24:45芝士與黑松露，兩者都有很多忠心粉絲。
美酒佳餚巡禮今晚（27日）開鑼，又是吃貨出動的時候，今年比以往更多攤位、更多選擇，不好酒的朋友，付了$30入場費，就要專攻「標準美食攤位」，編輯精選以下幾款必吃小食，你準備好未？黑松露與芝士一直都有很多忠心粉絲，CIHK的攤檔一次過滿足大家兩個願望。全港首創的芝士黑松露春卷（$50），可以選擇車打芝士、藍芝士或黑松露芝士作內餡，外面會再加上水牛奶芝士，濃郁的芝士味，配合內餡松露醬及松露蜜糖的清香，口感豐富。同一攤檔還有黑松露炒蛋（$50）與黑松露芝士焗啡菇（$30），兩者都放上現場新鮮刨製的黑松露片，矜貴度十足。他們賣關子說，啡菇上菜時會有神秘火焰效果，保證大家可以影相呃like。除了西式菜，中菜也不弱。中環高級餐廳禮賓傅也有攤檔，平時索價差不多幾百元的菜式，場內幾十元就可以試到。順德名菜三色大良炒鮮奶（$58），用了蛋白、蟹肉、蟹粉底炒，配上鮑魚與黑松露，矜貴但賣得一點也不貴。如果喜歡香口食物，則可以試試他們的芝士蟹粉釀蟹蓋（$78）與鵝肝蝦多士（$68）。另外，不得不提他的原隻椰皇燉花膠雞湯（$58），每碗都有兩至三塊花膠，師傅落足材料燉兩小時，在中環海邊喝碗熱湯暖暖肚也不錯。如果喜歡嘗新，第一次參展的酒鍋可能適合你。不是打邊爐，紫菜響鈴（$68）直接當小食吃，你試過嗎？另外還有麻辣或沙嗲巨無霸小籠包（$48）及小企鵝造型的墨魚丸（$48）。另一檔小食則有獨特的丸之蝦餅燒（$35），蝦餅與章魚小丸子，原來頗匹配。還有龍蝦迷必去的龍蝦寶寶，龍蝦汁燴腸粉（$88）、龍蝦汁鮮蝦豆卜（$88），真是聽到都流口水。而且每碟菜式裏都有半條美國緬因龍蝦尾，每一隻連殼時都足足有600克重。不過大家要留意，以上小食全部都要額外用現金買，並不包括在入場費或品酒證內。
(a)黑松露芝士焗啡菇（$30一件）。
(a)黑松露炒蛋（$50）。
(a)全港首創的芝士黑松露春卷（$50兩件）。
(b)原隻椰皇燉花膠雞湯（$58一個）。
(b)三色大良炒鮮奶（$58三隻）。
(b)鵝肝蝦多士（$68一份）。
(b)芝士蟹粉釀蟹蓋（$78一份）。
(c)紫菜嚮鈴配哇鬼南瓜（$68三條）、麻辣巨無霸小籠包（$48一隻）、開心小企鵝（$48三隻）、安格斯牛柳粒（$78一份）。
(d)丸之蝦餅燒（$35）、風沙雞翼（$50一份）、黑松露／魚子醬串燒鵪鶉蛋（$30一串）。
(e)龍蝦汁燴腸粉（$88）。
美酒佳餚巡禮部份攤位(a) CIHK E304攤位(b)禮賓傅 C002攤位(c)酒鍋 C001攤位(d) Yuan Li Trading Co. A101攤位(e)龍蝦寶寶 A111攤位記者：李珮禎攝影：陳健邦
來源:
http://hk.apple.nextmedia.com/su ... t/20161028/19814868
中環在線：南非潮試指紋碌卡
1 :
GS(14)@2017-04-22 10:40:21唔少人出街驚遺失信用卡，怕俾賊仔碌爆，Mastercard近排發明咗個方法，就係信用卡面配有指紋驗證功能，就算俾人執到，冇卡主隻拇指配合都碌唔到，而南非竟然係全世界第一個試行呢個服務嘅國家，好潮啊。
Mastercard話南非擁有近1,500個超市嘅零售集團Pick n Pay，同埋巴克萊銀行旗下Absa Bank正試行緊呢個功能，預計今年底會全面推行，將會係全世界第一個實行嘅國家，遲啲陸續推展至歐洲同亞太區。好多人會問點解會揀南非呢個市場，其實南非嘅創科氣氛非常好，本港唔少start-up活動都有南非人嘅影子，最出名嘅當然唔少得南非傳媒巨企Naspers喺2001年入股騰訊（700），證明南非人對科技非常有眼光。
來源:
http://hk.apple.nextmedia.com/financeestate/art/20170421/19996474